गृहपृष्ठ » मुख्य समाचार, राजनीति, समचारसीमांकनको विरोधमा बन्द, देशभरको जनजीवन प्रभावित

सीमांकनको विरोधमा बन्द, देशभरको जनजीवन प्रभावित

August 16, 2015१८९ पटक

३१ साउन, काठमाडौं । ६ प्रदेशको सीमांकनप्रति असन्तुष्ट बैद्य माओवादी, जनजाति र मधेस केन्द्रीत दलहरुले आह्वान गरेको बन्दका कारण आज देशभरको जनजीवन प्रभावित भएको छ ।

काठमाडौं उपत्यकामा सार्वजनिक सवारी साधन चलेका छैनन् । बन्दकर्ताले बबरमहलमा बा २ ख ९६६१ नम्बरको बसमा तोडफोड गरेका छन् ।

सडकमा निजी मोटरसाइकल निकै कम चलेका छन् ।

जबरजस्ती बन्दै गराउँदै हिडेका बन्दकर्ताहरुलाई प्रहरीले पक्राउ गरेको छ । कालिमाटी बल्खु क्षेत्रबाट १४ जना, कोटेश्वरबाट ६ जना र रत्नपार्क क्षेत्रबाट ५ जना पक्राउ परेका छन् ।

बन्दका कारण देशका विभिन्न स्थानको जनजीजन प्रभावित भएको छ ।

सीमांकनको विरोधमा बैद्य माओवादी, संयुक्त लोकतान्त्रिक मधेसी मोर्चा, लिम्बुवानसहितका पार्टीले आज र भोलि बन्द आह्वान गरेका छन् ।

तराईका जिल्लाहरुमा भने दोहोरो बन्द परेको छ । थरुहट तराई संघर्ष समितिले एक हप्तादेखि लगातार बन्द गर्दै आएको छ । लगातारको बन्दले थारु बाहुल्यता रहेको कैलाली, बाँके, बर्दिया, नवलपरासी लगायतको जनजीवन कष्टकर बनेको छ ।

प्रतिकृया दिनुहोस्

मुद्रा रुपान्तरण