राज्यको सर्वोच्च पदमा आसिन व्यक्ति देश र राज्यप्रति वाफादारिता अनिवार्य शर्त भएको बताउँदै निधिले संवैधानिक रुपले निषेध गर्ने वा उसको वफादारिता माथि संबैधानिक रुपले नै शंका गर्नु संविधानवाद, लोकतान्त्रिक सिद्धान्त र शिष्टताको दृष्टि विपरित रहेको उल्लेख गरेका छन्। ‘राज्यको सर्वोच्च पदहरुको संवेदनशिलता सम्बन्धी उक्त निहित उद्देश्यलाई राजनीतिले, राजनीतिक दलहरुले आफ्नो नीति, कार्यशैली, प्रचलन र संस्कारद्वारा समाधान गरौ,संवैधानिक कानुनद्वारा होईन,’ निधिले नेताहरुलाई पठाएको ध्यानाकर्षणमा भनेका छन्, ‘वंशजको आधारको नेपाली नागरिकको सट्टा नेपालको नागरिक मात्र उल्लेख गरौ। नत्र आन्तरिक शीत युद्धको बिउ रहिरहने सम्भावना हुन्छ।’