गृहपृष्ठ » मुख्य समाचार, राजनीति, समचारअनिश्चितकालिन बागलुङ बन्द फिर्ता,जनजीवन सामान्य बन्दै ।।

अनिश्चितकालिन बागलुङ बन्द फिर्ता,जनजीवन सामान्य बन्दै ।।

September 6, 2015२३१ पटक

बाग्लुङ, भदौ २० -प्रमुख तीन दलले बाग्लुङ जिल्लालाई विभाजन नगरी प्रदेश नम्बर चारमा राख्ने सहमति गरेपछि दुई हप्तादेखिको जिल्ला बन्द फिर्ता भएको छ ।
नेपाली कांग्रेस, नेकपा एमाले र एकीकृत नेकपा माओवादीले बाग्लुङ जिल्लालाई विभाजन नगरी प्रदेश नम्बर चारमा राख्ने गरी संविधानको परिमार्जित विधेयकमा संशोधन प्रस्ताव दर्ता गरेका छन् । प्रमुख दलले संशोधन प्रस्ताव दर्ता गरेसँगै जिल्लामा गत भाद्र पाँच गतेदेखिको बन्द फिर्ता भएको हो ।
यसअघिको संघीय प्रदेशको सीमांकनमा बागलुङको पूर्वी भागलाई प्रदेश नं ४ र पश्चिमी भागलाई ५ नम्बर प्रदेशमा राख्ने निर्णयको विरोधमा बाग्लुङ बन्द गरिएको थियो । बन्द फिर्ता लिए पनि संविधानसभामा दर्ता भएको जिल्ला अखण्ड राख्ने संशोधन प्रस्ताव दुई तिहाईले पारित नहुञ्जेलसम्म अन्य रचनात्मक दबाबका कार्यक्रम भने जारी राखिने संघर्ष समितिले जनाएको छ ।
बन्द फिर्ता भएपछि आज बिहानैदेखि बजार, यातायात, शिक्षण संस्था, उद्योग कलकारखाना सबै खुलेका छन् । बन्द खुलेसँगै जिल्लाको कष्टप्रद बनेको जनजीवन सामान्य बन्दै गएको छ ।

प्रतिकृया दिनुहोस्

मुद्रा रुपान्तरण