गृहपृष्ठ » मनोरञ्जनफिल्म चलेपछि बढ्यो अनुको फूर्ति

फिल्म चलेपछि बढ्यो अनुको फूर्ति

September 10, 2015२७७ पटक

फिल्म चल्नुअघि प्रचारप्रसारमा खासै नहिड्ने कलाकार चलेपछि भने आफ्नो हिट फिल्म भन्दै  हिड्छन् । फिल्म हेर्न हलसम्म दर्शक आएपछि योगदान केही नगरेपनि कलाकार त्यसको भाग लिन खोज्छन् ।अभिनेत्री अनु शाह अहिले यही सूचीमा छिन् । फिल्म ‘भैरव’ चल्नुअघि अनुले यसका अभिनेता तथा निर्देशक निखिल उप्रेतीको कटाक्ष गरिन् । अनुले आफूलाई फिल्मको प्रमोशनमा सहभागी नगराइएको भन्दै निखिल जस्तो मान्छेले वुझ्नु पर्ने पनि भनिन् ।
तर, अहिले उनै अनुको दैनिकी फेरिएको छ । निखिलसँगै उनी हलमा प्रचारका लागि पुगेकी छिन् । अनुले फिल्म हिट भएकाले आफू पनि हिट भएको दाबी गरेकी छिन् । अनुका लागि भैरव पहिलो हिट फिल्म हो । यसैले पनि उनका लागि यो फिल्मको व्यापार महत्वपूर्ण छ ।

 

तर, फिल्मको प्रचारको समयमा अन्य फिल्मको छायांकनमा व्यस्त छु भन्दै हराएकी अनु अहिले भने ‘भैरव’ हिट भएको भन्दै पारिश्रमिक बढाउँछु भन्दै मिडियामा पनि अन्तर्वाता दिन थालेकी छिन् । अभिनेत्री शाहले फिल्म हिट हुनुमा आफ्नो पनि भूमिका रहेको दाबी पनि गरेकी छिन् । तर, फिल्म भैरव हिट हुनुको पछाडि अनुको नाम कसैले लिएको पाइदैन । अभिनेता उप्रेतीको स्टारडमले नै भैरव हिट भएको विश्लेषण बजारमा छ ।

प्रतिकृया दिनुहोस्

मुद्रा रुपान्तरण