गृहपृष्ठ » मुख्य समाचार, राजनीतितीन दलीय वार्ता टोली र तमलोपा अध्यक्ष ठाकुरबीच वार्ता सकारात्मक ।।

तीन दलीय वार्ता टोली र तमलोपा अध्यक्ष ठाकुरबीच वार्ता सकारात्मक ।।

October 1, 2015१४८ पटक

१४ असोज
आन्दोलनरत मधेसी मोर्चाको माग सम्बोधन गर्ने बारेमा आज भएको वार्ता सकारात्मक भए पनि भोलि फेरि बैठक बस्ने गरी सकिएको छ । तीन दलीय वार्ता टोली र मोर्चाको घटक तराइ मधेस लोकतान्त्रिक पार्टीका अध्यक्ष महन्त ठाकुर लगायतका नेताहरुबीच तमलोपा कार्यालय काठमाडौंको बिजुलीबजारमा छलफल भएको थियो । आजको वार्तामा मधेसमा जारी आन्दोलमा भएको बल प्रयोग, आन्दोलनमा ज्यान गुमाएकालाई सहीद घोषणा र घाइतेको उपचार, अंगिकृत नागरिक दिने विषय र पक्राउ परेकालाई रिहा गर्ने बारेमा छलफल भएको थियो । आफूहरुले राखेका मागको बारेमा तीन दलीय वार्ता टोलीले आआफ्नो नेतृत्वमा जानकारी गराएपछि भोलि फेरि वार्ता बस्ने सहमति भएको तमलोपा अध्यक्ष ठाकुरले सीआईएनलाई जानकारी दिनुभयो । बिहान बालुवाटारमा बसेको प्रमुख तीन दलको बैठकले आन्दोलनरत दलसँग वार्ताका लागि थप म्यान्डेट दिएपछि वार्ता टोली सक्रिय भएको हो । बार्तामा तीन दलका वार्ता टोली सदस्यहरू नेपाली काङ्ग्रेसका नेता तथा वनमन्त्री महेश आचार्य, एमालेका प्रमुख सचेतक अग्नी खरेल र एमाओवादी उपाध्यक्ष नारायणकाजी श्रेष्ठ तमलोपा कार्यालयमा पुग्नु भएको थियो । हिजो रौतहटमा बसेको मधेसी मोर्चाको बैठकले वार्तामा बस्न तयार रहेको जनाउ दिएपछि शीर्ष बैठकले यसअघि गठित वार्ता टोलीलाई विशेष म्यान्डेट दिइ आजै वार्तामा बस्ने निर्णय बिहान गरेको थियो ।

प्रतिकृया दिनुहोस्

मुद्रा रुपान्तरण