गृहपृष्ठ » अन्तर्राष्ट्रिय, मुख्य समाचार, शिक्षाएक तिहाइ युवाको धुम्रपानबाटै मृत्यु हुने

एक तिहाइ युवाको धुम्रपानबाटै मृत्यु हुने

October 10, 2015३८२ पटक

Smoking
एक नयाँ अध्ययन अनुसार चीनमा दुइ तिहाइ युवाहरुले २० वर्ष भन्दा कम उमेरमै धुम्रपान सुरु गर्ने गरेको देखाएको छ ।

द ल्यासेन्ट जर्नमा छापिएको शोध अनुसार २० वर्षभन्दा कम उमेरका अहिलेका युवाहरुले यदि धुम्रपान नछाड्ने हो भने उनीहरुमध्ये एक तिहाइ युवाहरुको अकालमै मृत्यु हुनेछ ।

शोधकर्ताहरुका अनुसार ती मध्ये झण्डै आधा मानिसको मृत्यु चुरोटकै लतका कारण हुनेछ ।

यो निष्कर्षमा पुग्ने क्रममा शोधकर्ताहरुले चीनमा राष्ट्रव्यापी अध्ययन गरेका थिए र त्यसक्रममा लाखौँ मानिसलाई सहभागी गराएका थिए ।

चीनमा सन् २०१० मा सुर्ति सेवनको कारण झण्डै १० लाख मानिसको ज्यान गएको थियो । शोधकर्ताहरुका अनुसार चीनमा धुम्रपानको दर अहिलेकै रफ्तारमा कायम रहेमा सन् २०३० सम्ममा धुम्रपानका कारण हरेक वर्ष २० लाख जनाले ज्यान गुमाउनेछन् ।

शोध अनुसार चीनका कुल पुरुष मध्ये आधा भन्दा बढिले धुम्रपान गर्दछन् । त्यस्तै २.४ प्रतिशत महिलामा चुरोटको लत रहेको पनि तथ्यांकले देखाएको छ ।

प्रतिकृया दिनुहोस्

मुद्रा रुपान्तरण