गृहपृष्ठ » अन्तर्राष्ट्रिय, मुख्य समाचारविद्रोहीलाई दिँदै आएको तालिम फेरबदल गर्ने

विद्रोहीलाई दिँदै आएको तालिम फेरबदल गर्ने

October 10, 2015२१२ पटक

अमेरिकी रक्षामन्त्री एस कार्टरले पेन्टागनले सिरियाली विद्रोहीलाई दिँदै आएको तालिम कार्यक्रममा फेरबदल गर्ने बताएका छन् । अमेरिकाले कुर्दिस तथा त्यहाँका अन्य शक्तिसँग काम गर्न थप अभ्यास गर्ने रक्षामन्त्री कार्टरले लन्डनमा पत्रकारसँगको कुराकानीमा बताएका हुन् ।

कार्टरले अमेरिकाले कुर्दिससँग गरेको सहकार्य एउटा सफल तथा जमिनबाट जमिनमा गरिने अभ्यासको राम्रो उदाहरण भएको बताए ।

उनले कुर्दिस जनताबाट अमेरिका थप उत्प्रेरित हुनेसमेत बताएका छन् । यसअघि अमेरिकी अधिकारीले हजारौँ सामान्य विद्रोहीलाई इस्लामिक स्टेट समूहका अतिवादीसँग प्रतिवाद गर्न सैन्य तालिम दिन समस्या परेको जनाएका थिए ।

प्रतिकृया दिनुहोस्

मुद्रा रुपान्तरण