गृहपृष्ठ » अार्थिक, पत्रपत्रीका, मुख्य समाचार, विशेष, समचारआईओसीले इन्धन लिन बोलायो

आईओसीले इन्धन लिन बोलायो

October 12, 2015३८९ पटक
फोटो :फाइल 

काठमाडौं : इण्डियन आयल कर्पोरेसन (आईओसी) ले इन्धन लिन आउन दो श्रो पटक नेपाल आयल निगमलाई बोलाएको छ । आईओसीका उच्च अधिकारीले शनिबार राति टेलिफोन गरेर निगमका अधिकारीलाई चाहिएको परिमाणमा इन्धन दिन तयार छौं भन्दै लोड गर्न ट्यांकर पठाइदिन आग्रह गरेका हुन् ।
निगमका प्रवक्ता दीपक बरालका अनुसार आईओसीले दो श्रो पटक इन्धन लिन बोलाएको हो । यसअघि गत असोज १६ गते राति पनि आईओसीले पटकपटक टेलिफोनमार्फत इन्धन लग्न आग्रह गरेको थियो । इन्धन लिन बोलाए पनि आईओसीले आवश्यक परिमाणमा भने इन्धन उपलब्ध गराउन सकेको थिएन ।
आईओसीले मागको १० प्रतिशतको हाराहारीमा मात्र इन्धन उपलब्ध गराउँदै आएको छ । ‘अहिले फेरि आवश्यक परिमाणमा इन्धन दिन्छु भनेर शनिबार बोलायो’ ,बरालले भने, ‘आईओसीको कुरामा विश्वस्त हुने भरपर्दो आधार छैन् । हामीलाई चाहिएको परिमाणमा दिएमा मात्र विश्वास गर्न सक्ने आधार हुन्छ ।’
गत १६ गते आईओसीको भनाइअनुसार निगमले रक्सौलबाहेक सिलगुडी, भैरहवा, विराटनगर, नेपालगञ्ज, बेतालपुर, कञ्चनपुरलगायतका नाकामा रातारात ठूलो परिमाणमा ट्यांकर पठाएको थियो । तर, आईओसीले कुल क्षमताको १० प्रतिशतमात्रै इन्धन उपलब्ध गराउँदै आएको छ । बरालका अनुसार जहाज वा स्थलमार्गबाट तेल आयात गर्न ग्लोबल टेन्डर आह्वान गरेको अवस्थामा आईओसीले तेल दिन्छौं भन्दै एनओसीलाई बोलाएको हो ।
निगमका अनुसार आइतबार भारतमा सार्वजनिक बिदा भएकाले सोमबार रक्सौल बाहेकका अन्य नाकामा इन्धन लिन पर्याप्त परिमाणमा गोण्डा, बरौनी, बेतालपुर र सिलीगुडीस्थित डिपोमा ट्यांकर पठाइनेछ । ‘भारतका विभिन्न डिपोमा पहिलेदेखि रहेका ट्यांकरमा आईओसीले लोड गर्ने परिमाण हेरेर सोमबारदेखि ट्यांकर पठाउने हाम्रो तयारी छ’, बरालले भने, ‘हामीले सयभन्दा बढी ट्यांकर पठाउने तयारी गरेका छौं ।’
निगमका अनुसार अन्य दिनभन्दा आइतबार बढी परिमाणमा इन्धन उपलब्ध गराएको छ । यसअघि १० प्रतिशतको हाराहारीमा मात्रै इन्धन उपलब्ध गराउँदै आएको थियो । आईओसीले भारतको गोण्डा डिपोबाट आइतबार २६ ट्यांकर र सिलीगुडी डिपोबाट १७ ट्यांकरमा इन्धन लोड गरेको निगमले जनाएको छ । ‘गोण्डामा जति ट्यांकर पठाएका थियौं, ती सबैमा इन्धन लोड गरेको छ’ , उनले भने, ‘सोमबार हुने लोडका आधारमा मात्र विश्वस्त हुन सकिन्छ ।’
यसैबीच निगमले अन्य दिनभन्दा आइतबार सबैभन्दा बढी परिमाणमा इन्धन वितरण गरेको छ । निगमले दसैंका लागि लामो दूरीका सवारी साधनलाई भनेर थानकोट डिपोले तीन लाख ६३ हजार लिटर डिजेल वितरण गरेको हो । अघोषित नाकाबन्दी पश्चात यो परिमाणमा पहिलो पटक इन्धन वितरण गरिएको हो । निगमले आगामी मंगलबार निजी क्षेत्रका मोटरसाइकललाई पाँच लिटर र कार जीपलाई १० लिटर इन्धन दिने जानकारी दिएको छ ।
ग्लोबल टेन्डरमा २० प्रस्ताव
नेपाल आयल निगमले इन्धन आपूर्ति गर्न आह्वान गरेको ग्लोबल टेन्डरका लागि तेस्रो दिन आइतबारसम्म भारतसहित एक दर्जनभन्दा बढी मुलुकका २० वटा कम्पनीले प्रस्ताव गरेका छन् । निगमले गत बिहीबार तीनदिने टेन्डर आह्वान गरेको थियो । शनिबार अन्तिम म्याद भएपनि बिदाका कारण आइतबारसम्म समयसीमा बढाइएको थियो ।
निगमका प्रवक्ता बरालका अनुसार आइतबारसम्म भारत, चीन, सिंगापुर, मलेसिया, खाडी मुलुकसहित एक दर्जन स्वदेशी र विदेशी कम्पनीले २० वटा प्रस्ताव बुझाएका छन् । यस्ता कम्पनीले हवाईमार्ग र स्थलमार्गबाट इन्धन आयात गरी काठमाडौंमै उपलब्ध गराउने भन्दै प्रस्ताव गरेका हुन् । गत शुक्रबारसम्म पाँचवटा कम्पनीले प्रस्ताव गरेको थियो ।
‘आइतबारसम्म २० वटा कम्पनीले प्रस्ताव दर्ता गराएका छन्’ , बरालले भने, ‘रितपूर्वक परेको प्रस्ताव उपर छलफल गरेर चार दिन पछि एउटा कम्पनीलाई इन्धन आयात गर्न जिम्मेवारी दिन्छौं ।’ निगमले अल्पकालीन नीतिअन्तर्गत हवाईमार्ग वा स्थलमार्गबाट काठमाडौंमा तत्कालै इन्धन उपलब्ध गराउन टेन्डर आह्वान गरेको थियो ।
यसअनुसार डिजेल प्रतिदिन दुई सय किलोलिटर, पेट्रोल सय किलोलिटर, हवाई इन्धन र मट्टीतेल दुई ÷दुई सय किलोलिटर र एलपी ग्यास सय मेट्रिक टन आपूर्ति गर्नुपर्ने शर्त राखिएको अन्नपुर्णमा खबर
प्रतिकृया दिनुहोस्

मुद्रा रुपान्तरण