गृहपृष्ठ » पत्रपत्रीका, मुख्य समाचार, राजनीतिप्रधानमन्त्री चुनावका अनौठा प्रसंग

प्रधानमन्त्री चुनावका अनौठा प्रसंग

October 12, 2015२४० पटक

काठमाण्डु, २५ असोज–

प्रधानमन्त्री चुनाव पनि मतलव नहुने सांसदहरु

एमालेको समानुपातिक सभासद् राज्यलक्ष्मी गोल्छा प्रधानमन्त्री चयन चुनावमा अनुपस्थित भइन् । बाहिर निस्केका कांग्रेस सभासद्हरु प्रदीप गिरि, जीवन परियार र बद्री पाण्डे भित्र पस्न खोज्दा ढोका लागिसकेको थियो । खुमबहादुर खड्काको श्रीमती शिला पार्टीका गोपाल दहित, गंगा चौधरी, जनजागरण पार्टीका लोकमणि ढकालले मतदान गरेनन् ।

images

ओलीलाई लिखित समर्थन, मतदानमा कोइरालालाई भोट
शानिबार एमाले उम्मेदवार ओलीलाई समर्थन गर्ने लिखित प्रतिबद्धता जनाएका नेपाली जनता दलका हरिचरण साह, खम्बुवान पार्टीका राकुमार राई, दलित जनजाति पार्टीको यशोदा लामा र स्वतन्त्र सभासद् अख्तर कमाल मुसलमानले आइतबार कांग्रेस उम्मेदवार कोइरालालाई भोट दिए । बैठकमा ओलीको समर्थनमा बोल्न सभामुखले पटक–पटक बोलाउँदा उनीहरु गएनन् । तर, मतदान गर्दा भने कोइरालालाई मत हाल्ने लाइनमा लागे ।

 

मधेसी दलहरुले गरे संसद्मै निर्णय
संयुक्त मधेसी मोर्चामा आबद्ध दलहरुले तमलोपाको कार्यालयमा बसेर प्रधानमन्त्रीमा ओलीको विपक्षमा मत हाल्ने निर्णय गरेका थिए । पछि फेरि संसद् भवनको शंकर हलमा बैठक बसेर उग्रवामपन्थी तथा फासिस्ट अपवित्र गठबन्धन भन्दै ओलीको विपक्षमा मतदान गर्ने निर्णय गरेका हुन् ।
शुक्लले ताने रामजनमलाई
तमलोपाले केपी शर्मा ओलीलाई मत नहाल्ने निर्णय गरेको थियो । तर, फोरम लोकतान्त्रिकले ओलीको पक्षमा मत हाल्ने निर्णय गरेको थियो । मत हाल्ने बेलामा फोरम लोकतान्त्रिकका महासचिव रामजनम चौधरी ओलीको पक्षमा लाइन लागेका थिए भने तमलोपा नेता सर्वेन्द्रनाथ शुक्ल कोइरालाको पक्षमा । त्यतिबेला शुक्ल चोधरीलाई कोइरालाको लाइनमा तान्दै थिए ।–नयाँ पत्रिकाबाट

प्रतिकृया दिनुहोस्

मुद्रा रुपान्तरण