गृहपृष्ठ » पत्रपत्रीका, मुख्य समाचार, समचारकाठमाडौँ उपत्यकाको जनजीवन सामान्य

काठमाडौँ उपत्यकाको जनजीवन सामान्य

October 23, 2015२७६ पटक

२०७२ कार्तिक ६ शुक्रबार

फोटो :समाचार प्रतिनिधी फोटो

काठमाडौँ : विगत चाड पर्वका समयमा काठमाडौँ उपत्यकामा विभिन्न किसिमका घटना हुने गरे पनि यसपालिको बडादसैँमा कुनै किसिमका अप्रिय घटना भएका छैनन् ।
उपत्यकामा अहिलेसम्म कुनै घटना नभएको र जनजीवन सामान्य रहेको महानगरीय ट्राफिक प्रहरीले जनाएको छ । सम्भावित घटनालाई ध्यानमा राखी सडकमा निगरानी बढाइएकाले यस पटक सडक र नगरको सामान्य अवस्था रहेको महाशाखाका प्रवक्ता राजेन्द्र भट्टले राससलाई जानकारी दिए ।
अघिल्लो दसैँमा मादक पदार्थ सेवन गरी लापर्वाहीपूर्वक सवारी साधन चलाउने र दुर्घटनामा परी केहीको ज्यानै जानेसमम्का घटना भए पनि यस पटक त्यस्ता घटना भएको छैन । पेट्रोलियम पदार्थका अभावले उपत्यकामा कम सवारी साधन चलेकाले पनि सडकमा कुनै समस्या नरहेको प्रहरीको भनाइ छ ।
यसैबीच उपत्यकाका सडकमा कम सवारीसाधन चले पनि मान्यजनकामा टीका लगाई आशीर्वाद थाप्न जानेको चहलपहल निकै बाक्लो देखिएको छ । सर्वसाधारण फाट्टफुट्ट सार्वजनिक साधन र केही सङ्ख्यामा चलेका निजी सवारी साधनमा र कतिपय पैदल यात्रा गरेर पनि गन्तव्यतर्फ लागेका देखिन्थे ।
अन्नपूर्ण पोस्ट्
प्रतिकृया दिनुहोस्

मुद्रा रुपान्तरण