गृहपृष्ठ » पत्रपत्रीका, मुख्य समाचार, शिक्षात्रिविले उत्तरपुस्तिका हरायो

त्रिविले उत्तरपुस्तिका हरायो

October 30, 2015२२४ पटक

Tribhuwan University१३ कात्तिक, काठमाडौं । त्रिभुवन विश्वविद्यालयका प्राध्यापकको लापरबाहीका कारण स्नातक तह तेस्रो वर्षको परीक्षा दिएका नेपाली विषयका ४२ जना परीक्षार्थीको उत्तरपुस्तिका हराएको छ।

अरू सबै विषय पास भएका विद्यार्थी स्नातकोत्तर तहमा भर्ना हुनबाट वञ्चित भएका छन्।त्रिवि स्रोतका अनुसार उत्तरपुस्तिका परीक्षण गर्न घर लगेका प्राध्यापकले हराइदिएका कारण ती विद्यार्थीको नतिजा रोकिएकोअन्नपूर्ण पोस्टमा खबर छ।

त्रिवि परीक्षा नियन्त्रण कार्यालयले उत्तरपुस्तिका हराएका विद्यार्थीको नतिजालाई स्थगित (विदहेल्ड) गरेर अन्य विद्यार्थीको नतिजा असोज अन्तिम साता प्रकाशित गरेको थियो।परीक्षा समितिका अध्यक्ष तथा त्रिविका रजिस्ट्रार चन्द्रमणि पौडेलले उत्तरपुस्तिका हराएको स्वीकार गरे।

परीक्षण गर्न घर लगेका प्राध्यापकले हराएको हो वा परीक्षा केन्द्रबाट नआएको हो भन्‍ने विषयमा स्पष्ट नभएको उनले बताए । लाखौं विद्यार्थी भएको ठाउँमा केही उत्तरपुस्तिका हराउनु सामान्य भएको पौडेलले बताए।

‘कहाँबाट उत्तरपुस्तिका हराएको हो भन्ने विषयमा छानबिन समिति गठन गरेर अध्ययन भइरहेको छ। सत्यतथ्य बाहिर आएपछि ती विद्यार्थीलाई अर्को परीक्षा लिने कि नलिने भन्‍ने निर्णय गर्छौं’, पौडेलले भने, ‘जहाँबाट हराएको भए पनि दोषी पत्ता लागेपछि कडा कारबाही गर्छौं।’

 

प्रतिकृया दिनुहोस्

मुद्रा रुपान्तरण