गृहपृष्ठ » खेलकुद, पत्रपत्रीका, मुख्य समाचारविष्टलाई नहटाउन आदेश

विष्टलाई नहटाउन आदेश

October 31, 2015२६३ पटक

काठमाडौँ–सर्वोच्च अदालतले राष्ट्रिय खेलकुद परिषदका सदस्य सचिव केशव विष्टलाई हटाउन अख्तियार दुरुपयोग अनुसन्धान आयोगले दिएको निर्देशन हाललाई यथास्थानमा राख्न आदेश दिएको छ ।

प्रधानन्यायाधीश कल्याण श्रेष्ठको एकल इजलासले सदस्यसचिव विष्टलाई हटाउने अख्तियारको आदेश तत्काल कार्यान्वयन नगर्न शुक्रबार अन्तरकालीन आदेश जारी गरेको हो । विष्टले अख्तियारको निर्णयविरुद्ध असोज १८ गते दायर गरेको रिटमाथि पहिलो सुनुवाई गर्दै सर्वोच्चले दुवै पक्षको बहसपछि निर्णय गर्नुपर्ने देखिएको जनाएको छ ।

अख्तियारले भदौ २५ गते विष्टलाई सदस्यसचिवबाट हटाउन सरकारलाई निर्देशन दिएको थियो । अख्तियारको निर्देशनबमोजिम तपाईंलाई किन बर्खास्त नगर्ने भन्दै खेलकुद मन्त्रालयले असोज १३ गते विष्टलाई स्पष्टीकरण सोधेको थियो । अख्तियारको आदेशविरुद्ध विष्टले सर्वोच्चमा रिट हालेका थिए ।

दसैं अगाडि नै रिट दर्ता गरिएको भए पनि बिदाका कारण शुक्रबार मात्रै यसमा सुनुवाइ भएको थियो । सदस्यसचिव विष्टको पक्षमा वरिष्ठ अधिवक्ता शम्भु थापा, हरिहर दाहाल, सुशील पन्त, टीकाराम भट्टराई, रमेश बडाल, तुलसी थापालगायतले बहस गरेका थिए ।

पूर्वप्रधानमन्त्री सुशील कोइरालालको दबाबपछि राजीनामा दिएका खेलकुदमन्त्री पुरुषोत्तम पौडेलले नियुक्ति दिँदा आर्थिक अनियमितता गरेको अख्तियारको आरोप छ ।नागरीकमा खबर छ ।

प्रतिकृया दिनुहोस्

मुद्रा रुपान्तरण