गृहपृष्ठ » मुख्य समाचार, राजनीतिमहिला मन्त्रालयमा श्रीमान श्रीमतीको आलोपालो

महिला मन्त्रालयमा श्रीमान श्रीमतीको आलोपालो

November 5, 2015१६४ पटक

काठमाण्डु, १९ कात्तिक– नेकपा मालेका महासचिव सीपी मैनालीका पति पत्नीले महिला तथा बालबालिका मन्त्रालयमा आलोपालो गरेका छन् ।

CP
नेपाली कांग्रेसका सभापति सुशील कोइराला नेतृत्वको सरकारको पालामा मैनाली पत्नी निलम केसीले महिला बालबालिका तथा समाज कल्याण मन्त्रालयको जिम्मेवारी सम्हालेकी थिइन ।
वर्तमान सरकारमा पनि सो मन्त्रालयको जिम्मेवारी मैनाली परिवारमै पुगेको छ । केपीका पति तथा माले महासचिव मैनाली उपप्रधान एवं महिला बालबालिका तथा समाज कल्याण मन्त्रीमा नियुक्त भएका छन् ।
तत्कालीन झापा आन्दोलनका कमााण्डर रहेका मैनाली यसअघि पनि एमाले नेतृत्वका सरकारमा स्थानीय विकास र आपूर्तिलगायतका मन्त्रालयको जिम्मेवारी सम्हालिसकेका छन् ।
ताप्लेजुङको फुलबारीमा विसं. २००८ सालमा जन्मेका उपप्रधानमन्त्री मैनालीले १४ महिना जेल जीवन बिताएका छन् । ०३३ साल चैत १२ गते नख्खु जेल फोरेर भाग्न सफल भएका मैनालीले ८ वर्ष निर्वासन र १९ वर्ष भूमिगत जीवन बिताएका छन् ।
उनको दलसँग संसदमा ५ सीट छ । ०४८, ०५१ साल र ०६३ सालमा पनि सांसद रहेका मैनाली पहिलो र दोस्रो संविधानसभामा समानुपातिक सभासद हुन् ।

प्रतिकृया दिनुहोस्

मुद्रा रुपान्तरण