गृहपृष्ठ » मुख्य समाचार, समचारधनुषामा एक स्कुल बसमा आगजनी

धनुषामा एक स्कुल बसमा आगजनी

November 7, 2015१५३ पटक

२१ कात्तिक, धनुषा । धनुषामा शुक्रबार राति एक स्कुल बसमा आगजनी गरिएको छ ।

जिल्ला प्रहरी कार्यालय धनुषाले दिएको जानकारीअनुसार गणेशमान चारनाथ नगरपालिका–४ वीरेन्द्रबजारमा ज१ख ७६३ नम्बरको बसमा आगजनी गरिएको छ ।

वीरेन्द्रबजारस्थित बुद्ध सिद्धार्थ निकेतन बोर्डिङ स्कुलको प्राङ्गणमा पार्किङ गरी राखिएको स्कुल बसमा मोटरसाइकलमा आएका दुई जनाले आगजनी गरी फरार भएको बताइएको छ ।

बसमा लागेको आगो स्थानीय र प्रहरीको सक्रियतामा नियन्त्रणमा लिन सफल भए पनि बसको सिट जलेर क्षति भएको प्रहरीले जनाएको छ ।

यसैबीच आगजनीको गरेको घटनाको जिम्मा जनतान्त्रिक टाइगर जनशक्ति पार्टीले लिएको छ । घटनापछि राति केही सञ्चारमाध्यममा टेलिफोन गरी बन्दको अवज्ञा गरेको भनी तोडफोड तथा आगजनी गरेको दाबी सो पार्टीले गरेको छ ।रासस

प्रतिकृया दिनुहोस्

मुद्रा रुपान्तरण