गृहपृष्ठ » मुख्य समाचार, समचार, स्वास्थ्यविदेशमा कमाएको पैसासहित श्रीमती अर्कोसँग गएपछि

विदेशमा कमाएको पैसासहित श्रीमती अर्कोसँग गएपछि

February 29, 2016१५५ पटक

कालीकोट, फागुन १७ = श्रीमानले विदेशमा कमाएको पैसासहित रास्कोट क्षेत्रकी एक महिला परपुरुषसँग भागेपछि परिवार तनावमा परेको छ ।

जिल्लाको रास्कोट क्षेत्रको स्युना–५ निवासी शान्ति तिरुवा श्रीमान् लल्ते तिरुवाले मलेसियाबाट विभिन्न समयमा कमाउँदै पठाएको रकम करिब रु सात लाख रकमसहित नजिकै रहेको इलाका प्रहरी कार्यालय स्युनामा कार्यरत प्रहरीसँग भागेपछि अभिभावकले नियन्त्रणमा लिई प्रहरीलाई बुझाएका छन् ।

मलेसियामा रहेका लल्तेले शान्तिका नाममा विभिन्न समयमा आइएमइमार्फत रकम रु सात लाख पठाएको अभिभावकले बताएका छन् ।

नेपालगन्ज घर भएका प्रहरी जवान सहिष मनियारले शान्ति तिरुवालाई भगाएर स्थानीय जिते बजारमा हिँड्दै गरेको अवस्थामा शान्ति तिरुवाका ससुरा कलौरा तिरुवाले थाहा पाएपछि पक्राउ गरी प्रहरीलाई बुझाएको तर उनीसँग रकम नभेटिएको बताइएको छ ।

आफूलाई विदेशबाट श्रीमानले केही रकम घर खर्चका लागि पठाएको भएपनि रु सात लाख भने नपठाएको शान्तिले बताएकी छन् । अहिले मनियारलाई जिल्ला प्रहरी कार्यालयको नियन्त्रणमा राखी विभागीय कारबाहीका लागि प्रक्रियाअघि बढेको इलाका प्रहरी कार्यालय स्युनाका निमित्त कार्यालय प्रमुख तथा असई कुलबहादुर खड्काले जानकारी दिए । शान्ति तिरुवालाई भने मनियारको जिम्मा लगाइएको छ । (रासस)

प्रतिकृया दिनुहोस्

मुद्रा रुपान्तरण