गृहपृष्ठ » अार्थिक, मुख्य समाचार, विशेष, शिक्षा, समचार, स्वास्थ्यचितवनमा पद्मोदय अन्तराष्ट्रिय पुरुष भलिबल सुरु भएसँगै आर्थिक गतिविधि पनि बढयो

चितवनमा पद्मोदय अन्तराष्ट्रिय पुरुष भलिबल सुरु भएसँगै आर्थिक गतिविधि पनि बढयो

March 7, 2016१९९ पटक

शिव शर्मा
चितवन, फागुन २४ । चितवन यस्तो जिल्ला हो, जहाँ हरेक क्षेत्रमा अग्रणी भुमिका निर्वाह गरिरहेको छ । यस्तैमा पछिल्लो समय चितवन खेलकुदमा पनि अग्रणी जिल्लाको रुपमा परिचित हुँदै गईरहेको छ ।

यहाँ हालसम्म राष्ट्रिय प्रतियोगिता मात्रै भएको इतिहासमा यहाँ अब अन्तराष्ट्रिय प्रतियोगिता समेत सुरु भएको छ । विगत ३७ वर्षदेखि स्थानीय स्तरबाट भलिबल प्रतियोगितालगायत विविध कार्यगर्दै आईरहेको पद्मोदय युवा क्लव भरतपुर–२७ दमपोखरीले अबदेखि अन्तराष्ट्रिय स्तरको भलिबल प्रतियोगिता सुरु गरेको हो । महाशिवरात्री पर्वको पावन अवसरमा आईतबारबाट चितवनको पदमपोखरीमा पद्मोदय अन्तराष्ट्रिय पुरुष भलिबल प्रतियोगिता–२०७२ सुरु भएको छ। यस प्रतियोगिताले जिल्लामा खेलकुद गतिविधि मात्रै बढाएको छैन् यसले आर्थिक गतिविधि समेत बढाएको छ ।

राष्ट्रिय खेलकुदका लागि सर्वव्यापी एउटा नारा छ, ‘स्वास्थ्यका लागि खेलकुद, राष्ट्रका लागि खेलकुद’ । खेलले व्यक्तिलाई स्वस्थ राख्छ । खेलले नै राष्ट्रको पहिचान समेत उँचो बनाउँछ । खेलले दिने पहिचान अरु कयौं कीर्तिले दिने पहिचानभन्दा धेरै अग्लो हुन्छ । खेलले भौगोलिक सीमाना पनि हिसाब गर्दैन । संसारको एउटा कुनामा भएको खेलको जानकारी अर्को कुनामा तुरुन्तै हुन्छ । खेलसँगै ठाउँको पहिचान पनि बढ्छ । त्यही भएर नै जुनसुकै ठूला खेल आयोजना गर्न विश्वभरै तछाडमछाड हुने गर्छ । यसले ठाउँ विशेषको विकास तथा अर्थतन्त्र बलियो बनाउन पनि सहयोग गर्छ । प्छिल्लो समय यही पहिचान बनाउनका लागि दौडमा भरतपुरको एउटा कुना पटिहानीका युवाहरु अन्तर्राष्ट्रियस्तरको भलिबल प्रतियोगितामा जुटेका हुन् ।

हुन त यो प्रतियोगिताका इतिहास झण्डै ४ दशकको छ । तर पनि यो स्तरको प्रतियोगिता पहिलोपटक आयोजना गरिएकाले पनि यहाँ बेग्लै उत्साह छाएको छ । २०३६ सालमा स्थानीयले शिवरात्रिको छेकोमा स्थानीय युवा बटुलेर भलिबल खेलको सुरुवात गरेका थिए । पछि विस्तारै त्यसलाई त्यही प्रतियोगितालाई यही अवसरमा वर्सेनि गरिदै आईयो । पछि क्षेत्रीयस्तरको बनाइयो । गतवर्ष राष्ट्रियस्तरमै बढुवा गरियो अहिले अन्तर्राष्ट्रियकरण हुन पुग्यो । यस प्रतियोगिता आयोजना गर्न कुल २६ लाख रुपैयाँ खर्च लाग्ने आयोजकले जनाएको छ

प्रतिकृया दिनुहोस्

मुद्रा रुपान्तरण