गृहपृष्ठ » अार्थिक, कृषि, मुख्य समाचार, राजनीति, समचारप्रधानमन्त्री ओली आठ दिने चीन भ्रमण सकेर स्वदेश फर्किए, चीन भ्रमणले आर्थिक विकासको खाका तयार पारेको भनाई

प्रधानमन्त्री ओली आठ दिने चीन भ्रमण सकेर स्वदेश फर्किए, चीन भ्रमणले आर्थिक विकासको खाका तयार पारेको भनाई

March 27, 2016३६३ पटक

काठमाडौं, चैत १४ – प्रधानमन्त्री केपी शर्मा ओलीले आफ्नो चीन भ्रमणले देशको आर्थिक विकासको दीर्घकालिन खाका तयार पारेको दावी गर्नुभएको छ ।

download
आठ दिने चीन भ्रमण सकेर स्वदेश फर्किनुभएका प्रधानमन्त्री ओलीले विमानस्थलमा पत्रकारसित चीनसित भको पारवहन सम्झौता भ्रमणको ठूलो उपलब्धी भएको दावी गर्नुभयो ।
आफ्नो भ्रमणले दुई देशबिचको राजनीतिक र जनस्तरको सम्बन्धलाई थप प्रगाढ बनाएको ओलीले बताउनुभयो । नेपालको चीन र भारत दुवै छिमेकीसँगको सम्बन्धका आ(आफ्नै महत्व रहेको भन्दै प्रधानमन्त्री ओलीले दुई छिमेकीसँगको सम्बन्ध तुलना गर्न नसकिने बताउनुभयो ।
ओलीसँगै स्वदेश फर्केका उपप्रधानमन्त्री तथा परराष्ट्र मन्त्री कमल थापाले चीनसँग भएको पारवहन सम्झौता कार्यान्वयनमा आउने दावी गर्नुभयो । यसमा देखिएका जटिलतालाई हटाएर कार्यान्वयन गर्न दुवै देशले थप छलफल गर्ने थापाको भनाई छ ।
प्रधानमन्त्री सहितको टोलीले चीनको बेइजिङका साथै हैनान, सेन्या, सियान र छेन्दुको भ्रमण गरेको हो । प्रधानमन्त्रीसहितको टोलीले भूकम्पको केन्द्रबिन्दुस्थित सङ्ग्रहालयमा रहेका भूकम्पको विनाशसम्बन्धी विवरण, उद्धार र पुनःनिर्माणसम्बन्धी जानकारी लिएको थियो । चीनमा रहँदा प्रधानमन्त्रीले त्यहाँका राष्ट्रपति, प्रधानमन्त्री लगायतसँग उच्चस्तरीय भेटवार्ता गर्नुभएको थियो । भ्रमणका क्रममा नेपाल र चीनबिच पारवहन लगायत १० बुँदे सम्झौता भएको छ । 

उज्यालोबाट

प्रतिकृया दिनुहोस्

मुद्रा रुपान्तरण