गृहपृष्ठ » विशेष, समाचारहरुडोटीका डिएसपीले सारे रातारात डेरा

डोटीका डिएसपीले सारे रातारात डेरा

April 5, 2016१०५ पटक

चैत २३, डोटी
जिल्ला प्रहरीको हाताभित्र रहेको महिला तथा बालबालिका जिल्ला संञ्जालको कार्यालयमा रहेको डिएसपीको डेरा रातारात सारिएको छ । बुधबार प्रहरी महानिरिक्षक उपेन्द्रकान्त अर्याल डोटी आइपुग्ने भएपछि भवनको दुरुपयोग गर्दै आएका डिएसपी डम्बर बहादुर चन्दले डेरा सारेका हुन् ।
उनले आइतबार राती आफ्नो डेरा सारेर जिल्ला प्रशासन कार्यालय अगाडी रहेको क्वाटरमा लगेका छन् ।
पीडीत महिला तथा बालबालिकाहरुका मुद्धालाई सोझै तालिम प्राप्त प्रहरीबाट परामर्श गर्ने उदेश्यका साथ निर्माण गरिएको कार्यालयको दुरुपयोग भएको बिषयमा डिएसपी चन्दको डेरा सरेपछि मात्र रहस्य बाहिर आएको हो । ‘त्यहा त डिएसपीको काम नै हुदैन’, सुरक्षा निकायकै एक अधिकृतले भने–‘त्यसमा झन् डेरा हालेर बस्नु सरासर दुरुपयोग हो ।’
०६८ सालमा बिश्व बिकास बैंकको आर्थिक सहयोगमा निर्माण गरिएको भवनका ५ कोठा छन् । पीडीतहरुलाई परामर्श गर्ने, मनो बिमर्श गर्ने, जनचेतना जगाउने, मेलमिलाप गर्ने, पीडीतहरु आएपछि सेल्टर दिने प्रयोजनका लागि निर्माण गरिएको कार्यालयमा लामो समय देखि डिएसपी चन्द डेरा हालेर बस्नु भएको थियो ।
‘म मंसिरको अन्तिमतीर संञ्जालको अध्यक्षमा चुनिएकी हु’, अध्यक्ष शशी
सोपले कुरा खुलाईन्–‘मैले २÷३ पटक उहालाई यता नबस्नुस भनेर आग्रह गरेकी थिए । उहाले आफ्नो सरुवा हुन लागेकाले मात्र रोकिएको जानकारी गराउनु भएको थियो ।’ उनले कार्यालय उपयोगमा नआएको अवस्थामा मात्रै डिएसपी चन्द डेरामा बसेको बताइन् । सोपले अधिकांस सामान यस अघि नै सारिएको र अहिले खाना पकाउने केही सामान मात्र रहेको भन्द्र चन्दको वचाउ गरिन् । डिएसपी चन्दले पनि जिल्ला प्रशासन कार्यालय अगाडी रहेको भवनमा प्रयाप्त ठाउ नभएकाले उपयोगमा नरहेको अवस्थामा मात्रै आफु संञ्जालको कार्यालयमा केही समयका लागि बसेको बताए ।
तर जिल्ला प्रहरी कार्यालय प्रमुख डिल्लीराज बिष्टले आइजीपी आउन लागेकाले मात्र डेरा सार्न लगाएको नभई आफु डोटी आउने बित्तिकै त्यसबारे पहल गरेको जानकारी दिए । ‘त्यहा त बस्न मिल्दै मिल्दैन’, प्रहरी उपरिक्षक बिष्टले भने–‘प्रहरीले सधै चनाखो हुनु पर्छ भन्ने कुराको मैले ख्याल गरेको छु, त्यही अनुरुप डिएसपीको डेरा सारिएको हो ।’

प्रतिकृया दिनुहोस्

मुद्रा रुपान्तरण