गृहपृष्ठ » समचारमलामी जान थाले अछामका महिला

मलामी जान थाले अछामका महिला

April 7, 2016६३ पटक

    बिहीवार 25 चैत, 2072

अछाम, चैत २५ । पुरानो संस्कारलाई तोड्दै अछामका महिला मलामी जान थालेका छन् । पुरानो संस्कारलाई तोड्दै अछामको पूर्वी क्षेत्रका महिला मलामी गएका हुन् ।

मानिसको मृत्यु भएपछि पुरुषले मात्र मलामी जाने प्रचलन रहेको अछाममा पछिल्लो समयमा महिला मलामी जान थालेका हुन् । जिल्लाको ग्रामीण क्षेत्र कुइका–४ का गौरीकान्त तिमिल्सिनाको  ७० वर्षको उमेरमा मृत्यु हुँदा सोही गाविस–४ का महिला मलामी गएका हुन् ।

‘हामीलाई मलामी जानबाट वञ्चित गराउने पुरानो परम्परालाई हामीले तोडेका छौं, हामी मलामी गएर फर्कियौँ,’ स्थानीय गोमा तिमिल्सिनाले भनिन् ।

मानिसको मृत्यु हुँदा दाहसंस्कार गर्न छोरा अर्थात् पुरुषमात्र जाने प्रचलन रहिआएको समाजमा महिला मलामी जानुलाई समयअनुसारको परिवर्तनका रुपमा हेरिएको छ । (रासस)

प्रतिकृया दिनुहोस्

मुद्रा रुपान्तरण