गृहपृष्ठ » समचारसिंगो गाविस लालपुर्जाविहीन

सिंगो गाविस लालपुर्जाविहीन

April 7, 2016५२ पटक
प्रकाशित मिति: बिहिबार, चैत्र २५, २०७२
काठमाडौं :  भेड्पु-२ का बुद्धिबहादुर अधिकारी उमेरले ८० काटेकमा छन् । जीवनको अन्तिम क्षण भए पनि उनी आफ्नै नाममा जग्गाको स्वामित्व लिन चाहन्छन् ।

सोही ठाउँका गोविन्द अधिकारी पनि ७५ नाघेका छन् । उनको पुर्खौली थलोको पनि लालपुजा छैन । उनी आफ्रनो पुस्तासम्मले बिना लालपुर्जा बिताए पनि भावी पुस्ता आफ्नो स्वामित्वको जग्गामा बसून् भन्ने चाहन्छन् ।

वर्षौंदेखि स्वामित्व नभएका भेड्पुका अधिकारीजस्ता हजारौं नागरिक भूकम्पपछि घर बनाउन नपाइने हो कि भन्ने चिन्तामा छन् । भूकम्पपछि पुननिर्माण प्राधिकरणको अभियान दोलखाको सिंगटीबाट सुरु भएको छ ।

अधिकांश दोलखाबासी स्थायी आवासको सुविधा प्राप्त गर्ने दोडमा रहँदा भेड्पु गाविस भने चिन्तामा छ । भेड्पुका करिब १ हजार ८०० बासिन्दा लालपूर्जाविहीन छन् ।

प्राधिकरणको नियमावलीको मुख्य प्रावधान लालपुर्जा नै छ । लालपूर्जा नभएपछि आवास निर्माणबाट बञ्चित हुने देखिएकोले उनीहरुमा चिन्ता बढेको हो ।

प्रतिकृया दिनुहोस्

मुद्रा रुपान्तरण