गृहपृष्ठ » मुख्य समाचार, स्वास्थ्यबाँदर आतंकका कारण कृषकहरू चिन्तित

बाँदर आतंकका कारण कृषकहरू चिन्तित

August 10, 2015२३६ पटक

अनिश गैरे/उज्यालो वामी गुल्मी  श्राबण २५ गते गते ।।

वामी गाबिसका किसानहरु बाँदरको आतङ्कले हैरान भएका छन्। गाबिसका काफ्टोला, दाल्का, सुदि, लगायतका स्थानमा केही दिनदेखि बाली नोक्सान गर्ने बाँदरको आतङ्कबाट किसानहरु हैरान भएका हुन् ।
बाँदरले खेतबारीको बालीमात्र नभई घरआगनमा राखिएका मकैसमेत झारेर नोक्सान पार्ने गरेको वामी काफ्टोलीका कृषक कल्पना घिमिरेले गुनासो गर्नुभयो ।

बिगत केही दिनदेखि बढेको बाँदर आतङ्कले सबैभन्दा बढी नोक्सान मकैबालीमा गरेको किसानले बताएका छन् । यस्तै बारीमा लगाईएका बिभिन्न फलफुल तथा तरकारीहरुमा पनि बाँदरहरुले क्षती पुर्याएका छन । बाँदरले खेतबारीका खान हुने भएका मकै खाने तथा मकै नभएका बोटसमेत उखेलेर सोत्तर बनाउने गरेको सोही स्थानका कृषक तेजेन्द्र जिसिको भनाई रहेको छ ।
पछिल्ला दिनमा बढेको बाँदर आतङ्कले महिला र साना नानीहरूलाई खेतबारीमा जानसमेत समस्या भएको छ। बाली नोक्सान गरिरहेका बाँदर हाहु गरेर लघार्न खोज्दा आफैमाथि झम्टिने गरेको स्थानीय बिबेक काफ्लेले बताउनुभयो । त्यस्तै गरी मकैमा सारो तथा भालुको समेत आक्रमण हुने गरेको छ ।
यता बुद्धिजिबिहरुले वनमा आहारा नभएपछि बाँदर गाउघर पस्न लागेको बताएका छन् ।
यसैबिच बर्षा लागेपनि पर्याप्त पानी नपर्दा समेत किसानहरु चिन्तित बनेका छन । पर्याप्त पानी नहुँदा खेतमा ब्याड राख्न तथा रोपाईगर्न समेत समस्या भएको छ ।
प्रतिकृया दिनुहोस्

मुद्रा रुपान्तरण