गृहपृष्ठ » मुख्य समाचार, राजनीति, समचारसुर्खेतमा प्रहरीको गोली लागेर मृत्यु हुने दुई पुगे, दर्जनौ घाइते (अपडेट)

सुर्खेतमा प्रहरीको गोली लागेर मृत्यु हुने दुई पुगे, दर्जनौ घाइते (अपडेट)

August 10, 2015३६६ पटक

surkhetसुर्खेत, २५ साउन– सुर्खेतमा अखण्ड मध्यपश्चिमको माग गर्दै भएको आन्दोलनमा दुईजना आन्दोलनकारीको मृत्यु भएको छ । मृत्यु हुनेमा वीरेन्द्रनगर–४ निवासी टिकाराम गौतम र यामबहादुर बिसी छन्। प्रदर्शनकारीले कांग्रेसका सह–महामन्त्री पूर्ण बहादुर खड्काको घरमा ढुङ्गामुढा तथा आगजनी गरेपछि प्रहरीले गोली चलाएको थियो ।
घटनामा प्हरी र प्दर्शनकारी गरी करिब एक दर्जन घाइते छन् । घटनापछि प्रहरीले त्यहाँ राति ९ बजेसम्मका लागि कफ्र्यु लगाएको छ । जिल्ला प्रहरी कार्यालय सुर्खेतले खड्काको घरमा आगजनी गर्नेलाई रोक्न खाजेको र त्यसपछि पनि नमानेपछि हवाई फायर र त्यसपछि गोलि चलाउन बाध्य भएको जनाएको छ ।

उनीहरुले त्यहाँका जिल्ला प्रशासन कार्यालय, मालपोत कार्यालय, बन कार्यालय, स्वास्थ्य कार्यालय लगाएतका सरकारी भवनमा तोडफोड गरेका छन् ।
surkhet-andalonप्रदर्शनकारीले एमाओवादी, नेकपा एमालेको पार्टी कार्यालय र प्रहरीको भ्यानमा समेत आगजनी गरेका छन् । त्यसक्रममा उनीहरुलाई रोक्न खोज्दा प्रहरीसँगको दोहोरो झडपमा डिएसपी नमराज देवकोटा सहित आधा दर्शन प्रहरी र १ दर्जन प्रदर्शनकारी घाइते भएका छन् । उनीहरुले पार्टी कार्यालयका आवश्यक कागजाग जलाएका छन् । साथै तोडफोडबाट प्रशासन कार्यालयमा क्षति पुगेको छ ।

प्रतिकृया दिनुहोस्

मुद्रा रुपान्तरण