रुकुम, साउन २५— अखण्ड रुकुमको माग गर्दै आन्दोलनमा उत्रिएका प्रर्दशनकारीले एकिकृत नेकपा माओवादीका नेता जनर्दन शर्मा (प्रभाकर) को घरमा ढुङ्गा हानेका छन् । रुकुम जिल्ला टुक्रयाउन भूमिका खेलेको आरोपमा प्रर्दशनकारीले मुसीकोट नगरपालीका ६ शेरीगाउँमा रहेको घरको उत्तर ढोकामा ढुङ्गा हानेको रुकुमका निमित्त प्रहरी प्रमुख प्रहरीनिरीक्षक केशव कार्कीले जानकारी दिए । तर घरमा थप क्षेति हुनबाट आफुरुले जोगाएको निमित्त प्रहरी प्रमुख कार्कीले बताए ।

“आन्दोलनकारीले कसैको घरमा आगजनी गर्ने, क्षेती पु¥याउने उद्देश्य देखिएन । तर एक दुई जनाले ढुङ्गा हानी हाले,” कार्कीले भने । ढोकाको कब्जा फुत्के पछि प्रहरीले आफै गएर कीला ठोकेर बलीयो बनाइदिएको छ ।

रुकुमबाट जनप्रतिनिधीहरुको रुपमा गएका सभासद्हरु जनार्दन शर्मा, गणेशमान पुन,दलजीत सेपाइली र मिठु मल्ललाई जिल्ला टुक्राएमा खवरदारी समेत गर्ने आन्दोलनकारीहरुले बताएका छन् ।

सभासद्हरुले आफनो राजनितिक स्वार्थपुर्तीको लागी रुकुमको उत्तरी भाग र पश्चिमी भागलाई खण्ड खण्ड बनाएको विरोधमा रुकुम बन्द गरिएको रुकुम उद्योग बानिज्य सघ रुकुमका महासचिव नवराज गिरीले जानकारी दिए ।

रुकुमको पश्चिम उत्तरी भागलाई प्रदेश ६ मा र अन्य भागलाई प्रदेश ५ मा गाभेर ठुलो अन्याय भएको भन्दै सम्पुर्ण रुकुमका नागरिकहरु सडकमा आएको पनि उनले जानकारी दिए । यसैबीच रुकुम बन्द भएका कारण त्यहाँको जनजिवन प्रभावित भएको छ ।