गृहपृष्ठ » अार्थिक, मुख्य समाचारओखलढुंगामा एक गाउँ एक उत्पादन कार्यक्रम सुरु हुने ।।

ओखलढुंगामा एक गाउँ एक उत्पादन कार्यक्रम सुरु हुने ।।

August 19, 2015३२७ पटक

०२ भदौ, ओखलढुंगा
ओखलढुंगा जिल्लामा एक गाउँ एक उत्पादन (ओभीओपी) कार्यक्रम सुरु हुने भएको छ । कृषि विकास मन्त्रालय र नेपाल उद्योग वाणिज्य महासंघ कृषि उद्यम केन्द्रको सहयोगमा कार्यक्रम सुरु हुने भएको हो । ओभीओपी कार्यक्रमका लागि ओखलढुंगा उद्योग वाणिज्य संघले प्रारम्भिक चरणको काम थालेको छ । चालु आर्थिक वर्षमा सञ्चालन हुने कार्यक्रमका लागि सरोकारवाला निकायहरुसँगको अन्तक्रियाबाट आलु खेतीलाई प्राथमिकता दिएर छनोट गरिएको संघका अध्यक्ष ज्ञानेन्द्रकुमार मास्केले जानकारी दिनुभयो । ओखलढुंगाको माथिल्लो लेकाली क्षेत्रमा आलु अत्यधिक उत्पादन हुने गरेको छ । शेर्पा समुदायको मुख्य वस्ती रहेको यस क्षेत्रमा आलुलाई मुख्य खाद्यबाली मानिन्छ । आलु खेती ओभीओपीका लागि पर्याप्त सम्भावना भएकाले छनोट गरिएको जिल्ला कृषि विकास कार्यालयका वरिष्ठ कृषि विकास अधिकृत कुलप्रसाद अधिकारीले बताउनुभयो ।

प्रतिकृया दिनुहोस्

मुद्रा रुपान्तरण