गृहपृष्ठ » मुख्य समाचार, समचार, स्वास्थ्यतराई बन्दका कारण जनजिवन प्रभावित

तराई बन्दका कारण जनजिवन प्रभावित

September 11, 2015२५१ पटक

भदौ २५ गते ।।
लगातारको बन्दका कारण मध्यपुर्वि तथा पश्चिम तराईको जनजिवन अत्यन्त कष्टकर बन्दै गएको छ । तराईमा केन्द्रित मधेशी मोर्चा तथा पश्चिम तराईमा आन्दोलित थारुहटको बन्दका कारण त्यसक्षेत्रको जनजिवन प्रभावित भएको हो । कैलालीको टिकापुरमा भएको घटनापछि तराईका अधिकाँस जिल्लामा निशेधाज्ञा जारी छ । पुर्वि तराईका विभिन्न जिल्लामा जारी कफ्र्युका कारण सर्बसाधारण मर्कामा परेका छ ।
नजिकिदै गएका चाडपर्वहरुमा आवश्यक सामाग्री किनमेल गर्न नपाउँदा सर्वसाधारण निरास भएका छन् । बन्दका कारण अधिकाँस जिल्लामा कालो बजारी बढेको छ । कैलालीमा भने अन्य दिनको भन्दा कर्फ्यु खुकुलो बनाइएको छ । जनजिवन केहि सहज भएपनि सर्बसाधरणमा त्रासभने जारी नै रहेको छ । विद्यालय खुलेको तथा चाडपर्वहरु नजिकिदै जान थालेपछि, कर्फयुको समय हटाउदै गएको कैलालीका प्रमुख जिल्ला अधिकारी मोहन चापागाईले जानकारी दिनुभयो ।
मधेशी मोर्चाको आन्दोलन हिंसात्मक बन्दै गएपछि धनुषाको जनकपुरमा आज बिहान ६ बजेबाट अनिश्चितकालिन कर्फ्यु आदेश जारी गरिएको छ ।
मोर्चाले आज जनकपुरमा महाक्रान्ति र्याली आयोजना गरेसँगै स्थानीय प्रशासनले सुरक्षा व्यवस्था कायम राख्न भन्दै कर्फ्यु आदेश जारी गरेको हो । महोत्तरीमा स्थानीय प्रशासनले बुधबार रातीदेखि जारी गरेको कर्फ्यु आज बिहान ६ बजेदेखि ९ बजेसम्म ३ घण्टाको लागि हटाएको थियो । कर्फ्यु हटाएसँगै अहिले बजारमा सामान किन्नेको चहलपहल बढेको छ । महोत्तरीमा सेना परिचालन समेत गरिएको छ ।
यसैबीच, तराईका जिल्लामा जारी आन्दोलनका कारण राजधानीबाट बाहिरीने तथा भित्रिने सवारी साधान कम चलेको प्रहरीले जनाएको छ । राती सुरक्षाकर्मीको स्कर्टिङमा गाडी चलाउने गरिए पनि प्रभावकारी हुन नसकेको प्रहरीको भनाई छ ।
उता—लिम्बुवान संयुक्त संघर्ष समितिले आह्वान गरेको बन्दका कारण पूर्वको जनजीवन प्रभावित बनेको छ ।
पहिचानसहितको संघीयता, संघीयतासहितको संविधान र संविधानमा लिम्बुवान प्रदेशको माग गर्दै लिम्बुवान संयुक्त संघर्ष समितिले पूर्वका नौ जिल्लामा आमहड्तालको आह्वान गरेको हो । बन्दका कारण पूर्वका मोरङ, सुनसरी, झापा, पाँचथर, ताप्लेजुङ, ईलाम, संखुवासभा, ते¥हथुम र धनकुटाको जनजीवन प्रभावित बनेको छ ।

प्रतिकृया दिनुहोस्

मुद्रा रुपान्तरण