गृहपृष्ठ » देवदह विशेष, पत्रपत्रीका, मुख्य समाचारजापानमा १०० वर्ष पुगेका नागरिक नै ६० हजार

जापानमा १०० वर्ष पुगेका नागरिक नै ६० हजार

September 12, 2015४६३ पटक

टोकियो, २६ भदौ– जापानमा सय वर्ष पुगेका नागरिक ६० हजार नाघेका छन् । जापानको वृद्धवृद्धाको जनसंख्या यति धेरै देखिएको हो । अर्को सातासम्ममा ६१ हजार ५ सय ६८ पुग्ने अनुमान छ । समाज कल्याण मन्त्रालयका अनुसार त्यसमा ८७ प्रतिशत महिला छन् । हरेक सेप्टेम्बर १५ लाई जापानमा ज्येष्ठ नागरिक दिवस मनाइन्छ । त्यस अवसरमा सय वर्ष नाघेका नागरिकलाई प्रमाणपत्र दिने गरिन्छ । यस वर्ष मात्रै ३० हजार ३ सय ७९ जनाले १ सय वर्ष नाघेका छन् । सरकारले ज्येष्ठ नागरिकलाई त्यस दिन ६५ डलर बराबरको चाँदीको थाली दिन्छ । संख्या बढ्दै गएपछि त्यसको सस्तो विकल्प खोज्न थालिएको छ । उक्त प्रचलन सन १९६३ देखि सुरु भएको हो । त्यस वर्ष सय वर्ष नाघेका नागरिक १ सय ५३ जना थिए । गत वर्ष थालीका लागि २१ लाख डलर खर्च भएको थियो । कान्तिपुर दैनिकबाट

प्रतिकृया दिनुहोस्

मुद्रा रुपान्तरण