गृहपृष्ठ » मुख्य समाचार, राजनीतिदलहरुले आज मधेशी दलहरुसँग छलफल गर्दै

दलहरुले आज मधेशी दलहरुसँग छलफल गर्दै

September 12, 2015२३० पटक

संविधान निर्माण प्रक्रिया दुई दिनका लागि स्थगित गरेका दलहरुले आज मधेशी दलहरुसँग छलफलको प्रयास जारी राखेका छन् । मधेशमा संघर्षरत दलहरुलाई हिजो नै वार्ताका लागि आह्वान गरिएकाले आज वार्तामा आए उनीहरुका मागका विषयमा छलफल गर्ने तयारी दलहरुको छ । यद्यपि मधेशवादी दलहरुले दुई दिन प्रक्रिया स्थगित गरेर आह्वान गरिएको वार्तालाई बेवास्ता गर्दै आन्दोलनलाई निरन्तरता दिने प्रतिक्रिया दिईसकेका छन् ।
निरन्तरको आन्दोलन र चौतर्फि दबाबपछि संवादमार्फत मधेशका माग सम्बोधन गर्नभन्दै दलहरुले हिजोदेखि संविधान निर्माण प्रक्रिया स्थगन गरेका थिए । संविधानसभामा हिजो दिउँसोदेखि संशोधन प्रस्तावलाई समेटेर मतदानमार्फत धारा र उपधाराहरु पास गर्ने कार्यतालिका रहेको थियो । मधेशवादी दलहरु वार्तामा आए उनीहरुको माग बमोजिम संविधान निर्माण प्रक्रिया अझै केहि दिन लम्ब्याउन सकिने एक नेताले बताएका छन् ।
यसअघि हिजोसाँझ प्रधानमन्त्री सुशील कोइरालाले मधेशी जनअधिकार फोरम लोकतान्त्रिकका अध्यक्ष विजयकुमार गच्छदारसँग छलफल गर्नु भएको थियो । गच्छदारसँगको छलफल सकारात्मक भएको प्रधानमन्त्रीको सचिवालयले जनाएको छ । छलफलमा उहाँले संविधान निर्माण प्रक्रियामा सहभागी हुन गच्छदारलाई आग्रह गर्नु भएको थियो । भेटमा प्रधानमन्त्री कोइरालाले थारु बाहुल्य क्षेत्रलाई विशेष स्वायत्तता क्षेत्र बनाएर सहमतिमा पुग्न प्रस्ताव गर्नु भएको थियो । आज प्रमुख तीन दलका नेताहरु मधेशवादी दलहसँग छलफलको प्रयासमा रहे पनि अहिलेसम्म कुनै पनि छलफलको कार्यक्रम तय हुन नसकेको एक एमाले नेताले बताएका छन् ।

प्रतिकृया दिनुहोस्

मुद्रा रुपान्तरण