गृहपृष्ठ » पत्रपत्रीका, मुख्य समाचार, समचारपर्यटन बढी ल्याउने शिवपुरी आरक्ष, राजश्व बढी संकलन गर्ने चितवन निकुञ्ज

पर्यटन बढी ल्याउने शिवपुरी आरक्ष, राजश्व बढी संकलन गर्ने चितवन निकुञ्ज

September 13, 2015३३२ पटक

२७ भदौ, काठमाडौ । नेपालका राष्ट्रिय निकुञ्ज तथा वन्यजन्तु आरक्षमध्ये सबैभन्दा बढी राजश्व संकलन गर्नेमा चितवन राष्ट्रिय निकुञ्ज अगाडि छ । पर्यटन भित्र्याउनमा दोस्रो भए पनि राजश्व संकलनमा पहिलो रहेको नेपाल टुरिजम बोर्डको तथ्यांकमा उल्लेख छ ।

आन्तरिक र बाहृय पर्यटकले भरिने चितवनमा सफारी र गैंडा हेर्नका लागि धेरै पर्यटक जाने गरेको अभियान दैनिकमा खबर छ ।

सन् २०१४मा चितवन राष्ट्रिय निकुञ्जले १ लाख ७३ हजार ४ सय २५ जना पर्यटकबाट रु २४ करोड ६९ लाख १३ हजार १ राजश्व संकलन गरेको तथ्यांकमा उल्लेख छ । यो रकम अन्य सात आरक्षमध्ये सबैभन्दा बढी हो ।

शिवपुरी राष्ट्रिय निकुञ्जले सबैभन्दा बढी पर्यटन भित्राएको छ । नेपालको राष्ट्रिय निकुञ्ज तथा वन्यजन्तु आरक्षमा शिवपुरीले सन् २०१४ मा मात्र १ लाख ८० हजार ४ सय ६४ पर्यटकबाट रु १ करोड ३ लाख ७५ राजश्व संकलन गरेको छ ।

यो रकम गतवर्षको भन्दा रु. २५ लाखले बढी हो । नेपालका १३ वटा आरक्षमध्ये सबैभन्दा धेरै पर्यटक शिवपुरी नै जाने गरेका छन् । सन् २००८ मा ८ हजार ३ सय ३४ जना मात्र पर्यटक शिवपुरीमा पुगेका थिए भने ७ वर्षमा यसको संख्यामा २१ गुणाले वृद्धि भएको हो । काठमाडौ नजिक भएका कारण पनि यस निकुञ्जमा धेरै पर्यटक पुग्ने गरेको पर्यटन ब्यवसायीको भनाइ छ ।

प्रतिकृया दिनुहोस्

मुद्रा रुपान्तरण