गृहपृष्ठ » मुख्य समाचार, समचारसविंधान जारी पछि देखिएको असमझदारीका विषयमा छलफल गर्न प्रधानमन्त्रीले विशेष दूत भारत पठाउने !

सविंधान जारी पछि देखिएको असमझदारीका विषयमा छलफल गर्न प्रधानमन्त्रीले विशेष दूत भारत पठाउने !

September 25, 2015१४३ पटक

pr
८ असोज, काठमाडौं । प्रधानमन्त्री सुशील कोइरालाले संविधान जारी भएपछि देखिएको असमझदारीका विषयमा छलफल गर्न भारतमा विशेष दूत पठाउने भएका छन्।
बिहीबार साँझ प्रधानमन्त्री निवास बालुवाटारमा बसेको कांग्रेस, एमाले र एमाओवादीका शीर्ष नेताहरूको सयुंक्त बैठकले संविधानका विषयमा देखिएको भारतसँगको असमझदारी हटाउन द्विपक्षीय रूपमै छलफल गर्न आवश्यक भएको ठहर गर्दै विशेष दूत पठाउने निर्णय गरेको अन्नपूर्ण पोस्टमा खबर छ ।
‘संविधान जारी भएपछि भारतसँगको असमझदारीबारे छलफल गर्न प्रधानमन्त्रीले छिट्टै भारतमा विशेष दूत पठाउने निर्णय भएको छ’, बैठकपछि एमाओवादी नेता नारायणकाजी श्रेष्ठले भने, प्रधानमन्त्रीका विशेष दूत कसलाई पठाउने भन्ने विषयमा भने निर्णय भएको छैन।
उच्च तहको (उपप्रधान वा वरिष्ठ मन्त्री) दूत पठाउने विषयमा भने तीन दलबीच समझदारी भएको छ। बैठकले गत आइतबार जारी संविधानमा संशोधन गर्न तीन दल तयार रहेको विषय पनि कूटनीतिक निकायलाई बुँदागत रूपमा जानकारी गराउने निर्णय गरेको छ।

प्रतिकृया दिनुहोस्

मुद्रा रुपान्तरण