गृहपृष्ठ » मुख्य समाचार, राजनीतिमधेस केन्द्रीत दलले प्रधानमन्त्रीको मतदानका विषयमा आधिकारिक निर्णय गर्दै ।।

मधेस केन्द्रीत दलले प्रधानमन्त्रीको मतदानका विषयमा आधिकारिक निर्णय गर्दै ।।

October 11, 2015२३२ पटक

संसदमा मतदान गर्ने विषयमा मधेसी दलहरूले आज आधिकारीक निणर्य गर्ने भएका छन् । नेपाली कांग्रेसका सभापति तथा कामचलाउ प्रधानमन्त्री सुशील कोइरालालाई समर्थन गर्ने अनौपचारीक सहमति गरेका मधेसकेन्द्रित दलले आज औपचारीक निर्णय गर्ने भएका छन् । त्यसका लागि अहिले केहीबेरमा मोर्चाको बैठक बस्दैछ । दुईवटा मधेसी मोर्चाले प्रधानमन्त्रीको उम्मेदवारमा कसलाई मत दिने औपचारिक निर्णय नगरे पनि कोइरालाले उनीहरूकै आसमा उम्मेदवारी दिएको कांग्रेसका नेताहरूले बताएका छन् । आन्दोलनरत मोर्चाको बैठकले बिहान निर्णयले तमलोपाका प्रवक्ता सर्वेन्द्रनाथ शुक्लले कोइरालासँग पटक पटक छलफल भएको तर आधिकारीक निर्णय भइनसकेको बताउनुभयो । उहाँले बिहान तमलोपाको कार्यालयमा बस्ने बैठकले निर्णय लिने पनि बताउनुभयो । त्यस्तै विजयकुमार गच्छदार नेतृत्वको अर्को मोर्चाले पनि अहिले बिहान बैठक बसेर निर्णय गर्दैछ । विभिन्न मधेसी दलहरूसँग ५७ जना सांसद छन् । केही दिन अघिसम्म संसदमा नआउने बताइरहेका मधेसी दलहरू नयाँ प्रधानमन्त्री चुन्ने कार्यतालिका सार्वजनिक भएपछि विना सर्त सदनमा आएका हुन् ।

प्रतिकृया दिनुहोस्

मुद्रा रुपान्तरण