गृहपृष्ठ » सूचना प्रविधीयी हुन् युट्युबमा सबैभन्दा धेरै कमाइ गर्ने टपटेन युट्युब स्टार

यी हुन् युट्युबमा सबैभन्दा धेरै कमाइ गर्ने टपटेन युट्युब स्टार

October 27, 2015२९३ पटक

Youtubeगुगलको भिडियो शेयरिंग तथा स्ट्रिमिंग साइट युट्युबबाट गुगलले मात्र कमाएको छैन धेरै युट्युब सेलिब्रेटीहरुले समेत मनग्गे कमाउने गरेका छन् ।

फोर्ब्सले सार्वजनिक गरेको तथ्यांक अनुसार स्विडेनका एक २५ वर्षीय युवकले गएको वर्षमात्र युट्युबबाट १ करोड २० लाख अमेरिकी डलर कमाएका छन् ।

पिउडाइपाइ नामक चर्चित युट्युब च्यानल चलाउँदै आएका फेलिक्स जेलबर्ग गत वर्ष युट्युबबाट सबैभन्दा बढि कमाउने सेलिब्रेटी स्टार हुन् । उनले यु ट्युबमा विभिन्न जोकका भिडियो अपलोड गर्ने गर्थे ।

यु ट्युब स्टारको यु ट्युब च्यानलमा गुगलले विभिन्न विज्ञापनहरु राखिदिन्छ र सोही विज्ञापनबाट स्टारहरुले पैसा कमाउँछन् । साथै यु ट्युबबाटै चर्चित भएर उनीहरुले अन्य विभिन्न अवसरहरु पनि प्राप्त गर्दछन् अनि विश्वचर्चित बन्दछन् ।

गतवर्ष युट्युबबाट सबैभन्दा बढि कमाउने मध्ये दोश्रो स्थानमा कमेडी प्रान्क्स्टर स्मोस इयान हेकक्स र एन्थोनी प्याडिल्ला रहेका छन् । उनीहरुले ८५ लाख डलर कमाए । त्यस्तै बेन्नी र राफी फाइन दाजुभाइले पनि ८५ लाख डलर नै कमाएर संयुक्त रुपमा दोश्रो स्थानमा रहेका छन् ।

चौथो स्थानमा नर्तकी भायोलिन वादक लिन्डसे स्टिरलिंग रहेका छन्, जसले ६० लाख डलर कमाए । यु ट्युबमा सबैभन्दा धेरै कमाउने स्टारहरुको सूचिको पाँचौ स्थान कमेडियनहरु रेट र लिंकका साथै भिडियो गेम कमेन्टेटर केएसआइ भनेर चिनिने ओलाजिड ओलाटुन्जीले संयुक्त रुपमा कब्जा गरेका छन् । उनीहरुले ४५ लाख डलर कमाए ।

सातौँ स्थानमा मेकअप आर्टिस्ट मिचेल फान रहिन् उनले ३० लाख डलर कमाइन् ।

युट्युबबाट धेरै कमाउनेहरुको आठौँ स्थानका लागि त्रिपक्षीय भिडन्त भयो । कमेडियन लिली सिंह अर्थात् सुपरवुमन, प्रान्क्स्टर रोमन एटउड र शेफ रोनाजा पान्सिनोले वािर्षक २५ लाख कमाइ गर्न सफल भए ।

वाषिर्क रुपमा अर्बपतिको सूचि प्रकाशित गर्ने गरेको फोब्र्स पत्रिकाले पहिलोपटक युट्युबमा सबैभन्दा धेरै कमाउने स्टारहरुको सूचि पनि सार्वजनिक गरेको हो । निल्सेन, आइएमडीबी जस्ता अनलाइन श्रोतका साथै व्यवस्थापक, कानुनविद, उद्योगका आन्तरिक सूचनाश्रोतका

साथै युट्युबस्टार स्वयंसँगको अन्तरवार्ताको आधारमा यस्तो सूचि तयार पारिएको बताइएको छ ।

प्रतिकृया दिनुहोस्

मुद्रा रुपान्तरण