गृहपृष्ठ » मुख्य समाचार, विशेष, समचार, स्वास्थ्ययसबर्ष सुन्तला नबिक्ने चिन्ता

यसबर्ष सुन्तला नबिक्ने चिन्ता

November 26, 2015२४९ पटक

ताप्लेजुङ, मंसिर १० – ताप्लेजुङका किसानलाई यो वर्ष उत्पादन भएको सुन्तला बिक्री नहुने चिन्ताले पिरोल्न थालेको छ ।

भारतको अघोसित नाकाबन्दीका कारण इन्धन अभाव हुँदा जिल्ला बाहिरका सुन्तला व्यापारी सुन्तला खरिद र मुल्य तोक्न हालसम्म पनि बगानमा नआउँदा किसान चिन्तित बनेका हुन् ।

अघिल्ला वर्षहरुमा यो समयसम्ममा सुन्तला खरिदका लागि पाँचथर, इलाम र झापाका व्यापारी बगानमा नै आउने गरेका थिए । तर यो वर्ष अझैसम्म व्यापारी नआउँदा सुन्तलाबाट राम्रो आम्दानी गर्ने सोचमा रहेका किसान निरास बनेको स्थानीय कृष्णप्रसाद बरालले बताए ।

यहाँ उत्पादन भएको अधिकांश सुन्तला बिक्रीका लागि बाहिरी जिल्लामा पठाउने गरिन्छ । जिल्लामा करिव १ हजार ६ सय ३० हेक्टर क्षेत्रफलमा सुन्तला खेती गरिएको छ ।

यहाँबाट आठ हजार मेट्रिक टनको हाराहारीमा सुन्तला उत्पादन हुँदै आएको जिल्ला कृषि विकास कार्यालयले जनाएको छ ।

 

प्रतिकृया दिनुहोस्

मुद्रा रुपान्तरण