गृहपृष्ठ » मुख्य समाचार, समचारकपिलवस्तमा पछिल्लो ६ महिनामा सवारी कारबाहीबाट झण्डै ४२ लाख राजस्व संकलन

कपिलवस्तमा पछिल्लो ६ महिनामा सवारी कारबाहीबाट झण्डै ४२ लाख राजस्व संकलन

March 3, 2016९८ पटक

फाल्गुण २० गते । कपिलवस्तुमा ६ महिनाको अबधीमा सवारी दुर्घटनाबाट २८ जनाको ज्यान गएको छ । गत साउनदेखि माघसम्म भएका ३२ सवारी दुर्घटनाबाट २८ जनाको अकालमै ज्यान गएको र २१ जना गम्भीर घाइते भएको जिल्ला ट्राफिक प्रहरी कार्यालय कपिलवस्तुले जनाएको छ ।
जिल्ला ट्राफिक प्रहरी कार्यालय गोरुसिंगेका ट्राफिक प्रहरी निरीक्षक राजकुमार रावलका अनुसार दुर्घटनाबाट १९ पुरुष, ४ महिला, ४ बालक र १ बालिकाको ज्यान गएको छ । दुर्घटनामा सबैभन्दा बढी असोज महिनामा ८ जनाको मृत्यु भएको छ ।
यसैगरी कात्तिक, मंसिर र माघ महिनामा ४-४ जनाको, साउन र भदौमा ३-३ जनाको र पुसमा २ जनाको मृत्यु भएको छ । सबैभन्दा बढी १३ ओटा मोटरसाइकल दुर्घटनामा परेको ट्राफिक प्रहरी कार्यालयको तथ्यांक छ । ट्राफिकले दिएको तथ्यांक अनुसार गत वर्ष ०७१/७२ को एक वर्षमा ६९ सवारी दुर्घटनाबाट ४३ जनाले ज्यान गुमाएका थिए ।
यसैबीच कपिलवस्तमा जिल्ला ट्राफिक प्रहरीले पछिल्लो ६ महिनामा सवारी कारबाहीबाट ४१ लाख ९२ हजार ६ सय रुपैयाँ राजस्व संकलन गरेको छ ।

प्रतिकृया दिनुहोस्

मुद्रा रुपान्तरण