गृहपृष्ठ » अन्तर्राष्ट्रिय, मुख्य समाचार, शिक्षा, स्वास्थ्ययुरोपको मुटुमा प्रहार, दुई ठाउँमा भएको विष्फोटमा २६ जनाको मृत्यु नेपालीहरु सुरक्षित

युरोपको मुटुमा प्रहार, दुई ठाउँमा भएको विष्फोटमा २६ जनाको मृत्यु नेपालीहरु सुरक्षित

March 22, 2016२८१ पटक

चैत्र ९ । बेल्जियम र युरोपियन युनियन ९ईयू०को राजधानी ब्रसेल्सदेखि करिब ११ किमी टाढा रहेको जाभेन्तम अन्तर्राष्ट्रिय विमानस्थलमा शक्तिशाली बम बिष्फोट भएको छ । उक्त बम विष्फोटको धमाकाले त्यस आसपासको जनमानसमा ठूलो त्रास उत्पन्न भएको थियो । दुई ठाउँमा भएको विष्फोटमा अहिलेसम्म २६ जनाको ज्यान गएको छ ।
मंगलबार स्थानीय समयअनुसार बिहान करिव ८ बजेको व्यस्त समयमा विमानस्थल डिपार्चर एरियामा भएको बम विष्फोटबाट ९समाचार तयारपार्दासम्म०सम्म ११ जना सर्वसाधारणको ज्यान गएको छ । यसलगत्तै ईयूको मुख्यालय नजिकै मोलेनवेक ट्राम स्टेशनमा भएको विष्फोटमा परि १५ जनाको मृत्यु भएको र सयौं घाइते भएको जानकारी स्थानिय अधिकारीले दिएका छन् ।
विष्फोट पछि केही बेरसम्म सर्वसाधारण भुईंमा लडिरहेको अवस्थामा परेका थिए । निकै ब्यस्त विमानस्थल र ब्यस्त ट्राम स्टेसनमा भएको यो विष्फोटले युरोपको मुटुमा प्रहार गरेको संज्ञा दिइएको छ । ब्रसेल्स युरोपको राजधानीको रुपमा रहेको छ भने यहाँ युरोपेली मुलुकहरुको मुख्य मुख्य बैठक समेत हुनेगर्छ । पेरिस हमलाका मुख्य योजनाकार सलाह अब्देशलम ब्रसेल्समा पक्राउ परेको चौथो दिनमा नै यस्तो घटना भएको हो ।
उडान बुधवार बिहान ६ बजे सम्मलाई बन्द गरिएको छ । पछिल्लो समय होल्ड भएका उडानहरु भने सुचारु भएका छन् । राजधानी ब्रसेल्समा आसपासका क्षेत्रका सार्वजनिक यातायातका साधनहरु पूर्ण रुपमा बन्द भएका छन् । देशभरी उच्च सुरक्षा सतर्कता अपनाइएको छ । ब्रसेल्स क्षेत्र भित्र करिव ५ सय नेपालीहरु बसोवास रहेको नेपाली दूतावासले जानकारी दिएको छ । दूतावास अधिकारीहरुका अनुसार कोही पनि त्यसमा नपरेको बताइएको छ । तर पनि सबै नेपालीहरुसँग सम्पर्क गर्ने र गैर आवासिय नेपालीहरुमार्फत बुझ्ने काम भइरहेको छ । विभिन्न स्थानमा खानतलासीहरु शुरु भएको छ । पेरिस आक्रमण पछि नै युरोपेली मुलुकहरुले सुरक्षा सतर्कता बढाउँदै गाएका थिए । बृहत सुरक्षा सतर्कतालाई पनि तोडेर संवेदनशिल क्षेत्रमा नै सर्वसाधारण माथि भएको यो प्रहारलाई अमानवियताको पराकाष्ठको रुपमा यहाँका प्रधानमन्त्री चार्ल्स माइकलले बताएका छन् ।
घटनास्थल वरिपरि नेपालीहरु बसोवास गरेता पनि घटनामा हताहत भएको हालसम्म कुनै जानकारी प्राप्त नभएको नेपाली दूतावास बेल्जियमका उपप्रमुख घनश्याम भण्डारीले जानकारी दिँदै भने, ‘बुझ्ने काम भइरहेको छ । यसले हामीलाई स्तब्ध बनाएको छ ।’ गैरआवासिय नेपाली एनआरएनको घटनाबाट स्तब्ध भएको उल्लेख गर्दै नेपालीहरुलाई सहयोगको लागि सम्पर्कमा रहन भनेको छ । एनआरएन अध्यक्ष गंगाधर गौतमले आफुलाई पनि नेपाली हताहत भएको अहिलेसम्म जानकारी नआएको बताउँदै सहयोग गर्नु परे तुरुन्त तयार रहेको जानकारी गराए ।
ब्रसेल्समा रहेका नेपाली तथा अन्य सर्वसाधारणहरु बाहिर निस्कन समेत डराएका छन् । तर बम विष्फोट भएको क्षेत्र भन्दा अन्यमा जनजीवन सामान्य देखिएको काममा फर्केका नेपालीहरुले बताएका छन् । सार्वजनिक यातायता नचलेपनि ट्याक्सीहरु भने चलिरहेका छन् । सुरक्षाकर्मीहरु यत्रतत्र घुमेका छन् । पहिलो चरणमा एअरपोर्ट र सवस्टेसन पुरै आफ्नो नियन्त्रणमा लिएर छानविन गरेको थियो ।
तर, अझै पनि विष्फोट कसले गराएको भन्ने विषय खुल्न सकेको छैन् । यो घटनाका अहिलेसम्म कसैले पनि जिम्मेवारी नलिएकोले कसले गर्‍यो भन्ने एकिन हुन नसकेपनि यो बर्वर र अततायी रहेको छ । विश्वभरबाट उक्त घटनाको भर्सना गर्दै यस्ता घटनामा लाग्ने आतंककारीहरुको विरुद्ध सबै एक भएर लड्न पर्ने समेत आह्वान भइरहेको छ ।

कान्तिपुर दैनिकबाट

प्रतिकृया दिनुहोस्

मुद्रा रुपान्तरण