गृहपृष्ठ » समचार७ दिने आधारभुत पत्रकारिता तालिम शूरु

७ दिने आधारभुत पत्रकारिता तालिम शूरु

April 6, 2016८४ पटक

गुणस्तरमा ध्यान दिने विरहीको आग्रह

विनोद डाँगी ÷रोल्पा
सामुदायिक रेडियो मालश्री १००.५ मेगाहर्जको आयोजनामा आजबाट लिबाङ ७ दिने आधारभुत पत्रकारिता तालिम सुरु भएको छ । तालिमको आज एक कायैक्रमका विच प्रमुख अतिथि नेपाल पत्रकार महासंघका पुर्व केन्द्रिय अध्यक्ष तथा प्रेस काउन्सि नेपालका पुर्व अध्यक्ष हरिहर विरहीले ७ वटा मैनबत्ति बालेर उद्घाटन गर्नुभएको हो ।
७ दिने तालिममा पत्रकारिताका आधारभुत कुराहरु सिकाइने बताइएको छ । तालिममा लागि विशेषगरी युवापुस्ताको बाक्लो सहभागिता रहेको छ । कार्यक्रममा बोल्दै बक्ताहरुले पत्रकारीता क्षेत्रमा पछिल्लो समय युवापुस्ताले देखाएको सक्रियताले आफुहरु खुशि भएको बताउनु भएको छ । जिल्लाको समग्र पत्रकारिताको विकासका लागि मालश्री रेडियोले चालेको यो कदमप्रति सबैले शुभकामना व्यक्त गर्नूभएको छ । कार्यक्रममा बोल्दै प्रमुख प्रशिक्षक तुला अधिकारीले तालिम लिएर मात्र नभई व्यवहारमा पति उतार्न जरुरी भएको बताउनुभएको छ । समाचार लेखेर मात्र नहुने भन्दै उहाँले समाचारको गुणस्तरमा ध्यान दिनुपर्ने बताउनुभयो । ७ दिने तालिम लिएर सहभागिहरुले गाउँमा र सहर बजारमा लुकेर रहेका खोजमुलक समाचारलाई बाहिर ल्याउनेमा कुनै शंका नरहेको बताउनुभएको छ । कार्यक्रममै बोल्दै प्रमुख अतिथि नेपाल पत्रकार महासंघ र प्रेश काउन्सिल नेपालका पुर्व अध्यक्ष हरिहर विरहिले पत्रकारीता क्षेत्रमा काम गर्नका लागि यस्ता खालका तालिम महत्वपुर्ण हुने बताउनुभयो । सुनेको भरमा गरिने पत्रकरिता भन्दा खोजमुलक पत्रकारितामा जोड दिनुपर्ने उहाँले बताउनुभयो । जिल्लामा भर्खरै स्थापना भएको रेडियोले जिल्लामा पत्रकारिताको विकासका लागि ७ दिने आधारभुत पत्रकारिता तालिमको संचालन गरेको जनाएको छ ।

20160406_115147[1]
कार्यक्रममा विशिष्ट अतिथी सहायक प्रमुख जिल्ला अधिकारी अनुनय वास्तोला, रेडियोका सल्लाहकार कृष्ण बहादुर घर्तिमगर, र बरिष्ठ पत्रकार कविर राणा रहनुभएको छ । साथै अन्य अतिथीहरुमा नेपाली काग्रेंस रोल्पाका कार्यबाहक अध्यक्ष खट्क बहादुर खत्रि , एमाले रोल्पाका सचिव ओमराज परियार, एमाओवादी अध्यक्ष सुरेन्द्र घर्ति, राप्रपा नेपालका उपाध्यक्ष पुर्णे पुन, राप्रपा नेपालका जिल्ला सदस्य कर्णलाल पुन, जनमोर्चा रोल्पाका अध्यक्ष मेघनाथ बिष्ट, पत्रकार महासंघका अध्यक्ष महेश न्यौपाने, निवर्तमान अध्यक्ष मौसम रोकामगर, पुर्व अध्यक्ष खेम बुढा, संस्थापक अध्यक्ष काशिराम डाँगी, गैसस रोल्पाका अध्यक्ष कर्ण बाठाँ, उद्योग बाणिज्य संघ रोल्पाका महासचिव रामचन्द्र थापा, जिल्ला प्रहरी कार्यालय रोल्पाका प्रहरी निरीक्षक केशव बहादुर बस्नेत तथा जिल्लामा क्रियाशिल सरकारी तथा गैरसरकारी संघसंस्थाका प्रमुख तथा प्रतिनिधि, जिल्लामा क्रियाशिल पत्रकारहरुको बाक्लो उपस्थिती रहेको थियो । ७ दिने पत्रकारिता तालिमको प्रशिक्षकहरुमा बरिष्ठ पत्रकारहरु तुला अधिकारी, कविर राणा र लिल प्रकास चन्द रहनुभएको छ । कार्यक्रममा स्वागत मन्तव्य श्री कुमारी रोकाले दिनुभएको थियो । उद्घाटन कार्यक्रमको अध्यक्षता रेडियो संचालक समितिका अध्यक्ष विश्व कुमार चन्दले गर्नुभएको थियो भने संचालन स्टेशन मेनेजर डिबि घर्तिमगरले गर्नुभएको थियो । राष्ट्र, राष्ट्रियता र लोकतन्त्रको संवाहकको नारा लिएर स्थापना भएको रेडियो मालश्री अब छिट्टै नियमित प्रशारणमा जाने रेडियोले बताएको छ ।

प्रतिकृया दिनुहोस्

मुद्रा रुपान्तरण