गृहपृष्ठ » राजनीतिराजतन्त्र र हिन्दु राष्ट्रको माग लिएर चुनावमा जान्छौँ: कमल थापा

राजतन्त्र र हिन्दु राष्ट्रको माग लिएर चुनावमा जान्छौँ: कमल थापा

April 9, 2016१०४ पटक
शनिबार, चैत्र २७, २०७२
उपप्रधानमन्त्री एंव परराष्ट्रमन्त्री कमल थापाले ‘जनताको विश्वास भए’ संवैधानिक रुपमै राजतन्त्र फिर्ता हुने बताएका छन् । शनिबार दाङमा आयोजित साक्षात्कारमा थापाले जनताको विश्वास भए संविधानमा हिन्दू राज्य र राजतन्त्र लेख्न सकिने बताए ।
थापाले भने ‘के सम्भव छ भनेर हामी यो मागमा अडेका होइनौँ, के आवश्यकता हो भन्ने कुराले हामी राजतन्त्र र हिन्दू राज्य मागेका हौँ ।’ उनले आगामी चुनावमा राप्रपाले त्यो मुद्दामा जित हासिल गर्ने दाबी पनि गरे । थापाले भने ‘यो संविधानमै भएको व्यवस्था हो ।’
उनले कुनै पनि व्यवस्था परिवर्तन गर्नका लागि अब फेरि पहिलाको जस्तै आन्दोलन नै गर्नुनपर्ने पनि बताए । ‘संविधानकै माध्यमबाट आफ्ना मान्यता स्थापित गराउन सकिन्छ’ उनले भने ‘अब आफ्ना माग पूरा गराउनका लागि बन्दूक बोकेर जंगल पनि जानु पर्दैन, सिमामा बसेर नाकाबन्दी पनि गर्नुपर्दैन ।’
प्रतिकृया दिनुहोस्

मुद्रा रुपान्तरण