गृहपृष्ठ » साहित्य२०७३ लाई २०७२ सालको खुलापत्र

२०७३ लाई २०७२ सालको खुलापत्र

April 14, 2016२१० पटक

सुशील पोखरेल
प्रिय त्रिहत्तरी
शुभ आर्शिवाद एवम् मंगलमय शुभकामना
सर्बप्रथम आज देखि तिमी उदायौ, म अस्ताएँ बुधवारका दिन उदाएकी तिमी त्रिहत्तरीको चमक मेरो भन्दा गाढा बनोस् तिम्रो शुभ जन्मदिनको उपलक्ष्यमा हार्दिक मंगलमय शुभकामना ।

sushil pokhrel
प्रिय त्रिहत्तरी, तिमीसंग राति १२ बजे पछि बिछोड भयो । तिमी उदाउदाँ उदाउदै गर्दा मैले पुष्प गुच्छा अर्पण गर्न खोजे । म त अव कहिल्यै फर्कन नसक्ने गरी विदा लिएकी छु । समाजमा चल्ने समय चक्रमा १२ महिना पछि अवश्य नै तिम्रो पनि मेरो जस्तै अवस्था त हुनेछ नै । समय आउछ फर्कदैन यो विज्ञान सम्मत हो कसैले रोक्न सक्दैन । तर एक पटक पाएको समय, जीवन कति अर्थपूर्ण बने ? यो नै महत्वपूर्ण रहेछ । म त अभागिनी ! मंगलवार कुसाइतको दिन भन्छन् त्यसै दिन म आएँ र मंगलवार नै तिमीवाट विदा लिएँ । शुभ भन्दा अशुभ संकेत मेरै समयमा भएकाले मेरा लागि अशुभ त भयो नै तिम्रा लागि यस्तो दुर्दशा नआओस शुभकामना दिन चाहन्छु ।
म मेरो १२ दिनको उमेरमै भूकम्पको धक्काले आज लाखौ नेपालीलाई विल्लीबांठ बनाएको छ । भारतीय इशारा र विदेशीको प्रयोगशाला बनेको नेपालमा संघियताको नाममा देश टुक्राउने ग्रायन डिजाइनले मधेशीहरुलाई प्रयोगमा ल्याइयो । मधेशी आन्दोलनका नाममा नाकावन्दी सृजना गरेर दशै तिहार जस्ता पर्वमा पनि रुवाउनु सम्म रुवाउनु प¥यो ।
देशभर उल्लेख्य मात्रामा भएका सवारी दुर्घटना, प्लेन दुर्घटना जस्ता घटनाले सयौँको ज्यान अकालमा गए । म अस्ताउँदा खोटाङ, डोटीमा भएका सवारी दुर्घटनाले समेत ठुलो सराप भोगेकी छु । मेरो कुकर्मले गर्दा म स्वर्गलोकमा जान सकेकी छैन् । अहिले मत्र्यलोकमै छु । एउटा मात्र सम्झना लायक कुरा नयाँ संविधान त दिएँ तर यति राम्रो संविधान दिएर पनि देश टुक्राउने चलखेल म अस्ताउदा सम्म जारी नै थियो । अहिले पनि होला । जे भए पनि प्रमुख राजनितिक दलका शिर्ष नेताहरुले उत्कृष्ट संविधान ठानेकाले त्यसैमा चित्त बुझाएकी छु । मेरो पालामा गुन भन्दा अपसगुन बढी भए त्यसैले तिम्रो अवस्था मेरो जस्तो पापी बर्ष नबनोस ।
बहिनी त्रिहत्तरी,
संविधान मैले दिएँ त्यसलाई कार्यान्वयन गरेर मेरो इज्जत प्रतिष्ठा राखीदिनु, संघीयताको पुर्नविचार गर्दै कार्यान्वयनका लागि नेताहरुलाई सम्झाई बुझाई गर्नु, भुकम्पको मारमा थिलोथिलो बनेका नेपालीहरुको उद्धारका लागि बिशेष ध्यान दिनु । देश टुक्रने खतरा छ । ख्याल गर्नु, राजनितिका नाममा लोभी पापीहरु धेरै मौलाएका छन् । तीनीहरुलाई लाठो लगाएर एक ठाँउमा ल्याउनु, अवसरको पखाईमा बसेका स्वाँठहरुलाई बिशेष ख्याल गर्नु, जताततै देखिएको भष्टाचार र बेथितीले देश हरिकंगाल बनेको छ । नेताहरुको चरित्र चरित्रबान छैन् स्वयं प्रधानमन्त्री ओलीको बोलीले बजारमा भाउ पाउन छोडिसकेको छ । ओली जस्तै धेरै वोली भएका नेताहरुको मुखमा आवश्यकता पर्दा भोटे ताल्चा चाहिए मलाई खवर गर्नु ।
एक बर्ष भित्र देशलाई लोड सेडिङ मुक्त बनाउने वनेर मलाई उल्लु बनाए । वोलीबाट मात्र जनतालाई उर्जा दिने उर्जामन्त्रीलाई ख्याल गर्नु भन्नु । बहिनी यस्तै छन् धेरै कुरा, कसैले सुनिदिएन विदेशीएका नेपालीहरुको पीडा, त्यसैले नेपाललाई स्वतन्त्र सार्वभौम आत्म निर्भर बनाउनु तिम्रो तर्फबाट गर्नुपर्ने कसरत कदापी बाँकी नराख्नु । अवसर आउछ पर्खदैन भने झै तिमीले बेलैमा सबैलाई सचेत बनाउदै जवाफदेही बन्न प्रेरित गर्दै अगाडि बढ्नु फेरी पनि तिम्रो आगमनको सफलताको कामना गर्दै तिम्रा अवसर सुनौला र ऐतिहासिँक वनुन् यती भन्दै पत्रको विट मार्छु ।
उहि तिम्रो स्नेही
दिदि बहत्तरी

प्रतिकृया दिनुहोस्

मुद्रा रुपान्तरण