गृहपृष्ठ » मुख्य समाचारकक्षा ८ पास गर्नु मेरालागि मन्त्री बन्नुभन्दा ठूलो सफलता हो पूर्व सभासद शान्ता चौधरी

कक्षा ८ पास गर्नु मेरालागि मन्त्री बन्नुभन्दा ठूलो सफलता हो पूर्व सभासद शान्ता चौधरी

April 16, 2016७८ पटक

घोराही,

३-बैशाख /  एमालेका नेता एवं पूर्व सभासद शान्ता चौधरी कक्षा आठको जिल्लास्तरीय परिक्षामा पास भएकी छन् ।
दाङ लक्ष्मीपुरको उच्च मावि डाँडागाउँ गोग्लीबाट पारिक्षा दिएकी शान्ता पहिलो श्रेणीमा पास भएकी हुन् । सभासद बन्दा आफ्नो अशिक्षाका कारण धेरै दुख झेल्नुपरेको महसुस गरेपछि शान्ता गाउँको विद्यालयमा भर्ना भएकी थिइन् ।सामाजिक सञ्जाल फेसबुकमा खुशी साट्दै शान्ताले लेखेकी छिन, ‘धेरैलाई हाँसो लाग्दो हो, तर यो मलाई जीवनकै सर्वोच्च उपलब्धी लागेको छ ।’ ‘घर व्यवाहार र राजनीतिले गर्दा पर्याप्त पढ्न पाएकी थिइनँ,’ ‘फेल हुन्छु भन्ने लागेको थियो, तर पास भइछु । पास मात्रै होइन फस्ट डिभिजन आइछु ।’पास भएपछि यस्तो लेखिकी छिन शान्ता –
धेरैलाई हासो लाग्दो हो तर मलाई जीवनकै सर्वाेच्च उपलब्धी लागेको छ । मैले कक्षा आठ पास गरे‌ । जिल्ला स्तरीय परीक्षा थियो । घर व्यवहार र राजनीतिले गर्दा पर्याप्त पढ्न पाएको थिइन। आफूलाई फेल हुन्छु भन्ने कत्रो चिन्ता थियो तर पास भएछु । पास मात्र होइन फस्ट डिभिजन आएछु । म पास हुँदा मेरा छोराछोरीको खुसीको सीमा छैन । उनीहरु असाध्यै खुसी छन् । स्कूलका आदरणीय गुरुहरुले म पास भए पनि यति अङक आउला भन्ने सोच्नुभएको थिएन रे ।shantaआदरणीय गुरुहरु प्रति आभारी छु । गुरुहरुले मलाई ज्ञान दिएर लगाउनुभएको गुणका लागि कृतज्ञता ज्ञापन गर्ने म सँग शब्द नै छैन । कक्षाका साथीहरु कसले कति अङक ल्याउनुभयो मैले थाहा पाएकी छैन । किनभने म अहिले धरानमा छु । कक्षामा सँगै पढ्ने छोराछोरी भन्दा सानाहरुलाई साथी भन्न पाउँदा मलाई गर्वको अनुभुति हुन्छ । ती बालसखाहरुबाट मैले धेरै कुरा सिक्न पाएकी छु ।

मानिसहरु मन्त्री बन्नु ठूलो सफलता र खुसीको कुरा हो भन्छन् तर आठ कक्षा पास गर्नु मेरा लागि मन्त्री बन्नुभन्दा ठूलो सफलता हो । मलाई ध्यान दिएर पढ्न मिडियाले पनि बाध्य बनायो । म स्कूल जान थालेको समाचार मिडियामा आओस भन्ने चाहन्नथे‌ तर आयो । मिडियामा लगातार समाचार आयो । यो कारण पनि म पढाइमा ध्यान दिन बाध्य भएँ । यसका लगि सञ्चारकर्मीहरुलाई धन्यवाद ।

मलाई पढ्न सधै प्रेरित गर्ने हाम्रो पार्टी नेकपा एमालेका नेताहरु तथा पार्टी प‌क्ति, सकारात्मक अभियानका साथीहरु, शुभचिन्तकहरु तथा इष्टमित्रहरुप्रति आभारी छु । तपाई‌हरुको आशीर्वाद तथा प्रोत्साहनले म कक्षा नौमा पनि अवश्य सफल हुनेछु ।

आफू पास हुँदा छोराछोरीमा खुशीको सीमा नरहेको पनि उनले उल्लेख गरेकी छिन् । उनका छोरा कक्षा ९ र छोरी कक्षा सातमा काठमाडौंमा पढ्दैछन् । शान्ताले आफू जिल्लास्तरीय परिक्षामा पास हुनुलाई मन्त्री हुनुभन्दा ठूलो उपलब्धि बताएकी छिन् ।

‘मानिसहरु मन्त्री बन्नु ठूलो सफलता र खुशीको कुरा हो भन्छन, तर आठ कक्षा पास गर्नु मेरालागि मन्त्री बन्नुभन्दा ठूलो सफलता हो ।’ मिडियाले लगातार पछयाएकाले पनि आफू ध्यान दिएर पढ्न वाध्य भएको उनको भनाई छ ।

प्रतिकृया दिनुहोस्

मुद्रा रुपान्तरण