गृहपृष्ठ » देवदह विशेषशुक्रबार हुने शुभकामना साँझको लागि तक्मे बूढो यूएईमा,अन्य कलाकार क्रमश: आउँदै

शुक्रबार हुने शुभकामना साँझको लागि तक्मे बूढो यूएईमा,अन्य कलाकार क्रमश: आउँदै

April 21, 2016२५७ पटक

गैर आवासीय नेपाली संघ क्षेत्रीय समन्वय परिषद अल ऐन यूएईले आयोजना गरेको ‘नयाँ वर्ष शुभकामना साँझ’मा सहभागी हुन चर्चित हास्य कलाकार विल्सन विक्रम राई (तक्मे बूढो) यूएई आइपुगेका छन् ।received_1121483164570585
सिन्धुपाल्चोक जिल्लाको भूकम्प पीडित एक बिद्यालयको सहयोगार्थ आयोजना गर्न लागिएको उक्त कार्यक्रमका लागि कलाकार राईका अलावा गायक प्रमोद खरेल ,गायिका साहिमा श्रेष्ठ ,शान्ति श्री परियार ,याम थापा मगर र नृत्य निर्देशक प्रकाश भट्टको पनि प्रस्तुति रहनेछ ।

कलाकार राईलाई स्वागत गर्न आयोजक समितिका अध्यक्ष मीन नेपाली लगायतको टोलि आबुधाबी अन्तर्राष्ट्रिय विमानस्थल पुगेको थियो । सो क्रममा निजि कामको सिलसिलामा केही दिन पहिले नै यूएई आइपुगेका नृत्य निर्देशक भट्टलाई पनि आयोजकको तर्फबाट औपचारिक स्वागत गरिएको थियो ।

२२ तारिख शुक्रबार अल ऐन स्थित ५ स्टार पार्टी हलमा सम्पन्न हुने उक्त कार्यक्रमको लागि बाँकी कलाकार भरे बेलुका आइपुग्ने कार्यक्रम संयोजक मणि लामाले बताउनुभयो । साथै उहाँले कार्यक्रमको सम्पूर्ण तयारी पूरा भइसकेको जनाउँदै यूएईबासी नेपालीलाई उपस्थित भएर कार्यक्रमलाई भव्य रुपमा सफल पारिदिन अनुरोध गर्नुभयो ।

प्रतिकृया दिनुहोस्

मुद्रा रुपान्तरण