गृहपृष्ठ » समचारभालुवाङ ट्राफिक प्रमुखमा थापा, केसी सल्यान जिल्ला ट्राफिक प्रमुखमा सरुवा

भालुवाङ ट्राफिक प्रमुखमा थापा, केसी सल्यान जिल्ला ट्राफिक प्रमुखमा सरुवा

April 25, 2016५८ पटक

 

सन्तोषकुमार गुप्ता, भालुवाङ १३ बैशाख ।।

अस्थाई ट्राफिक प्रहरी पोष्ट भालुवाङ्गका प्रहरी प्रमुख चन्द्र केसीको बैशाख ५ आईतबार जिल्ला ट्राफिक कार्यालय सल्यानमा सरुवा भए पछि उनी आईतबार नै सल्यान पस्थान गरेका छन् भने भालुवाङ्ग ट्राफिक प्रहरी प्रमुखमा कोहलपुरबाट सरुवा भएर अम्मर थापा सोही दिन नै कार्यालयमा हाजिर भएका छन् ।
भालुवाङ्ग ट्राफिक प्रहरी प्रमुख प्रहरी सहायक निरिक्षक चन्द्र केसीले आफ्नो १५ महिने कार्याकालमा आफ्नो क्षेत्र भित्र दैनिक नियमित चार पटक छड्के सवारी साधन चेक जाँच, नागरिकमैत्री व्यवहार, बिद्यालय केन्द्रित ट्राफिक सचेतना अभियान, सडक केन्द्रित ट्राफिक सचेतना कार्यक्रम गर्नुका साथै सडक दुर्घटना न्युनिकरणका लागि सरोकार वालाहरु संगै समय—समयमा छलफल तथा चेकजाँचमा कडाई गरेका थिए । केसीको कार्यप्रति भालुवाङ्गबासीले सर्हनीय कार्य गरेको प्रतिक्रिया दिएका छन् । केसीको कार्य प्रति व्यवसाय, होटेल व्यवसाय, सवारी चालक, यातायात समितीका पद्धाधिकारी तथा कर्मचारी, संञ्चारकर्मी, नागरिकले समेत जिम्मेवारी पूर्व काम गरेकोमा धन्यबाद समेत दिएका छन् । उनले कहिलै पनि निति नियमलाई मिचेर काम गर्नु भएन बरु नागरिक र व्यवसाय संग मिलेर सडक दुर्घटना कम गर्न नागरिकमैत्री व्यवहार गर्नु भयो राप्ती उद्योग वाणिज्य संगका संस्थापक अध्यक्ष होमप्रसाद शर्माले भने । प्रहरीले निति नियम संगै पूर्ण व्यवहारिक रुपमा नागरिक संग मिलेर काम गर्ने कार्यको विकास गर्नु पर्छ यस्तो प्रवृत्तिबाट मात्र शान्ति सुरक्षा देखि अमन चयन कायम गर्न सकिन्छ शर्माले भने । केसी २०७१ फागुन १५ गते क्षेत्रिय ट्राफिक प्रहरी कार्यालय कोहलपुरबाट सरुवा भएर आएका थिए ।

SAMSUNG CAMERA PICTURES

SAMSUNG CAMERA PICTURES

यता क्षेत्रिय ट्राफिक प्रहरी कार्यालय कोहलपुरबाट सरुवा भएर आउनु भएका प्रहरी सहायक निरक्षक अम्मर थापाले नागरिकहरु संगको समन्वय तथा सल्लाह सुझाबबाट सवारी दुर्घटना कम गर्न र ट्राफिक सचेतना फैलाउन आफूले पनि नागरिकमैत्री ट्राफिक सचेतना अभियान सञ्चालन गर्ने बताए । उनले सडक दुर्घटना कम गर्न प्रहरीको एक्लो प्रयासले मात्र हुदैन त्यसका लागि प्रहरी, नागरिक र सवारी चालकहरु बीच समन्वकारी भुमिका हुनु पर्ने समेत बताए । बिगतमा अन्य ट्राफिक प्रमुखहरुले सुरुवात गरेका कार्यहरुलाई निरन्तरता दिंदै पूर्ण नागरिकमैत्री ट्राफिक अभियानलाई व्यवहारिक रुपमा काम गरेर देखाउने बताए । भालुवाङ्गमा सञ्चारकर्मीहरु संगको कुराकानीमा प्रहरी सहायक निरिक्षक थापाले हाईवेमा हुने सडक दुर्घटना नियन्त्रण गर्न चार पटक नियमित सवारी चेकजाँच कडा बनाउने र नागरिक संग मिलेर ट्राफिक सचेतना अभियान संगै हुन सक्ने सवारी तथा सडक दुर्घटना नियन्त्रण आफू सधै लाग्ने बताए । साथै उनले मेरो कार्यकालमा ट्राफिक व्यवस्थापन जस्ता कार्यक्रममा सबै गर्न सम्पूर्ण नागरिकमा अपिल समेत गरेका छन् ।

प्रतिकृया दिनुहोस्

मुद्रा रुपान्तरण