गृहपृष्ठ » मुख्य समाचार, समचारम्याग्दीमा हराएका २४ जना अझै बेखबर

म्याग्दीमा हराएका २४ जना अझै बेखबर

August 11, 2015२७७ पटक

२६ साउन, म्याग्दी
म्याग्दीमा बिगत दुई वर्षको अवधिमा विभिन्न कारणले हराएकामध्ये २४ जना अझैसम्म फेला परेका छैनन् । जिल्ला प्रहरी कार्यालयका अनुसार यसरी हराउनेमा सबैभन्दा बढी महिला रहेका छन् । हराएका सबैलाई प्रहरीले वेपत्ताको सूचीमा राखेको छ । जिल्ला प्रहरी कार्यालयको तथ्याङ्क अनुसार दुई वर्षमा ७८ जना हराएको भन्दै उजुरी परेको थियो । खोजतलासका क्रममा ५४ जना भेटिएका छन भने २४ जना अझै बेखबर छन् । हराईरहेका मानिसमा १२ जना महिला छन् । अरु पुरुष र बालबालिका छन् । आर्थिक वर्ष २०७०७१ मा २७ जना महिला, ७ जना पुरुष, ६ जना बालक र दुई जना बालिका हराएको प्रहरीमा उजुरी परेको थियो ।
सो वर्ष हराएका मध्य ७ जना पुरुष, २१ जना महिला, दुई जना बालक र एक जना बालिका भेटिएका थिए । आर्थिक वर्ष २०७१७२ मा १३ जना पुरुष, ११ जना महिला, ७ जना बालक र ५ जना बालिका हराएको निवेदन परेकोमा ९ जना पुरुष, ५ जना महिला, ५ जना बालक र ४ जना बालिका फेला परेका छन् ।
प्रहरीले खोजतलास गर्दा पनि फेला नपरेका मानिसलाई वेपत्ताको सूचीमा राखेर खोजीका लागि हुलिया सबै जिल्लामा पठाउने गरेको छ । आफन्त हराए भनेर सूचना दिनेले भेटिएको जानकारी नगराउने हुँदा उनिहरु वेपत्ताकै सूचिमा रहने गरेका प्रहरी निरिक्षक बिमलकुमार उपाध्यायले बताउनुभयो । धेरैजसो हराएका बयस्क महिला पुरुषहरु दोस्रो बिवाह गरेको अवस्थामा भेटिने गरेका छन् । घरपरिवारलाई जानकारी नदिई महिलाहरु गैरकानुनी ढङ्गले बैदेशिक रोजगारीमा जाने हुँदा पनि महिला हराएको धेरै उजुरी पर्ने गरेका छन् ।
बेरोजगारी समस्या, जनचेतना र शिक्षाको कमीका कारणले महिलाहरु हराउने समस्या देखिएको छ । घरपरिवारको गरिबी तथा वेवास्ताका कारण बालबालिका हराएर गलत मानिसको फेला परी कुलतमा फस्ने, दुख पाउने, यौन हिंसामा पर्ने गरेका प्रहरी नायव उपरिक्षक हिरा गिरीले बताउनुभयो ।
बिशेष गरेर किशोर किशोरीहरु परिवारलाई जानकारीनै नदिई वेपत्ता हुने, मापसे र लागु औषध दुव्र्यसनीमा फस्ने गरेको पाएपछि प्रहरीले अभिभावकलाई सचेत गराउनुका साथै विद्यालय तथा उच्च माविमा चेतनामुलक कार्यक्रम सञ्चालन गरेको छ ।

प्रतिकृया दिनुहोस्

मुद्रा रुपान्तरण